બારડોલીમાં હનીટ્રેપનો કેસ સામે આવ્યો
બારડોલી,તા.૦૭
થોડા સમય પહેલા બારડોલી નગર તેમજ આસપાસના વિસ્તારોમાં અતિ ચર્ચિત બનેલા બીભત્સ કિલપિંગ કાંડમાં બારડોલી નગરમાં અન્ય વીડિયો વાઇરલ થયા છે. ઓનલાઇન મહિલાઓ સાથે નગ્ન હાલતમાં પુરુષોના વિડિઓ વાયરલ કરાયા હતા. વીડિયો વાઇરલ કરતાં પહેલાં ભોગ બનનાર પાસે પૈસાની માગણી કરાઇ હતી. ઘણા કિસ્સાઓમાં પૈસા આપવા છતાં વીડિયો વાઇરલ કરાયો હતો. ભૂતકાળમાં નગરમાં નામી લોકોના આવા બીભત્સ વીડિયો વાઇરલ થતાં મુદ્દો ચર્ચામાં રહ્યો હતો.
હાલ ફરી એ પ્રકારના બે વિડિઓ નગરમાં ફરતા થયા છે. શાકભાજીનો વેપાર કરતા એક વેપારીનો વીડિયો વાઇરલ થયો હતો. ત્યાર બાદ હાલમાં જ એક રિક્ષાચલાકનો બીભત્સ વીડિયો વાઇરલ થતાં પીડિત યુવાન બારડોલી પોલીસ મથકે પહોંચ્યો હોવાનું જાણવા મળ્યું છે. બારડોલી નગરમાં અગાઉ અનેક લોકોના બીભત્સ વીડિયો વાઇરલ થયા હતા, ઓનલાઇન યુવતીનું મોઢું બતાવી પુરૂષોને નગ્ન હાલતમાં વીડિયો વાઇરલ કરવાની ઘટનામાં ઘણા નામી લોકો ભોગ બન્યા હતા. તાજેતરમાં ફરી શાકભાજી માર્કેટમાં શાકભાજી વેંચતા વેપારી તેમજ એક રિક્ષાચાલક યુવાનનો વીડિયો વાઇરલ થતાં યુવાને બારડોલી પોલીસ મથકે ઘટના અંગે જાણ કરી હોવાની માહિતી મળી છે.
