(Pooja Jha)

આ ફિલ્મ અમિતાભ બચ્ચન અને અક્ષય કુમાર દ્વારા ભજવવામાં આવેલા પિતા-પુત્રના સંબંધોની હૃદયસ્પર્શી વાર્તા છે.

વિપુલ અમૃતલાલ શાહ ભારતના સફળ ફિલ્મ નિર્માતા અને દિગ્દર્શક છે. તે ઘણી લોકપ્રિય ફિલ્મો બનાવવા માટે જાણીતા છે જે દર્શકોને પસંદ છે. ભારતીય ફિલ્મ ઉદ્યોગ આજે જે છે તે બનાવવામા તેમણે મહત્વની ભૂમિકા ભજવી છે. આ વર્ષે શાહે તેમની ફિલ્મ ‘બસ્તર ધ નક્સલ સ્ટોરી’થી લોકોને ખૂબ પ્રભાવિત કર્યા છે. તેઓ માત્ર ભારતમાં પ્રતિષ્ઠિત નિર્માતા જ નથી, પરંતુ એક દિગ્દર્શક તરીકે તેમણે ‘વક્ત ધ રેસ અગેઈન્સ્ટ ટાઈમ’ નામની ખૂબ જ લોકપ્રિય ફિલ્મ પણ બનાવી છે, જેણે ઘણા લોકોના હૃદય સ્પર્શી લીધું હતું.

ફિલ્મનું નામ છે “વક્ત : ધ રેસ અગેઈન્સ્ટ ટાઈમ” આ કોમેડી ડ્રામા ફિલ્મમાં અમિતાભ બચ્ચન, અક્ષય કુમાર, શેફાલી શાહ, પ્રિયંકા ચોપરા, રાજપાલ યાદવ અને બોમન ઈરાનીએ કામ કર્યું હતું. તમને જણાવી દઈએ કે, આજે આ ફિલ્મ રિલીઝ થયાને 19 વર્ષ થઈ ગયા છે. આ ફિલ્મ અમિતાભ બચ્ચન અને અક્ષય કુમાર દ્વારા ભજવવામાં આવેલા પિતા-પુત્રના સંબંધોની હૃદયસ્પર્શી વાર્તા છે.

સમય જતાં, તે તેમના ઉત્કૃષ્ટ લેખન, સિનેમેટોગ્રાફી, વિઝ્યુઅલ અને શક્તિશાળી ભાવનાત્મક અવતરણોને કારણે એક પ્રિય ક્લાસિક બની ગયું છે. વિપુલ અમૃતલાલ શાહની દમદાર વાર્તા અને પ્રભાવશાળી દિગ્દર્શનએ ફિલ્મની સૌથી મોટી યુએસપી હતી. ‘આંખે’ અને ‘દરિયા છોરૂ’ પછી આ તેમની ત્રીજી દિગ્દર્શિત ફિલ્મ હતી.

ફિલ્મમાં અક્ષય કુમાર અને અમિતાભ બચ્ચનના જબરદસ્ત અભિનય ઉપરાંત, વિપુલ અમૃતલાલ શાહ લેખન અને દિગ્દર્શન સાથે, “વક્ત : ધ રેસ અગેઈન્સ્ટ ટાઈમ”ને અનુ મલિકના કાલાતીત સંગીત માટે પણ યાદ કરવામાં આવે છે. તેમાં ભારતીય સિનેમાના સૌથી લોકપ્રિય હોળી ગીત “ડુ મી અ ફેવર લેટ્સ પ્લે હોલી”નું નામ પણ સામેલ છે.

‘બસ્તર ધ નક્સલ સ્ટોરી’ અને ‘ધ કેરેલા સ્ટોરી’ની બોક્સ ઓફિસ પર સફળતા પછી, વિપુલ અમૃતલાલ શાહ તેમના આગામી મોટા પ્રોજેક્ટની તૈયારી કરી રહ્યા છે.