તમન્નાએ જણાવ્યું કે, તેણે ૧૭ વર્ષથી તેના કોન્ટ્રાક્ટમાં એક કલમ સામેલ કરી છે, જેમાં ‘નો કિસ’ નીતિ છે.
બોલિવૂડ એક્ટ્રેસ તમન્ના ભાટિયાએ તેની ૧૭ વર્ષની કરિયરમાં ફેમનું એક ખાસ સ્થાન હાંસલ કર્યું છે. ૧૭ વર્ષની કારકિર્દીમાં હિન્દી, તમિલ અને તેલુગુ સહિત ઘણી ભાષાઓમાં ૮૦ થી વધુ ફિલ્મો કરી ચૂકેલી તમન્ના ભાટિયા આ દિવસોમાં બોલિવૂડમાં પ્રભુત્વ જમાવી રહી છે. તમન્ના ભાટિયાની ફિલ્મ લસ્ટ સ્ટોરીઝ પણ ૨૯ જૂને રિલીઝ થઈ રહી છે. તમન્ના માટે આ ફિલ્મ ખૂબ જ ખાસ છે. કારણ કે, આ ફિલ્મમાં તમન્નાના ઓનસ્ક્રીન હીરો વિજય વર્મા તેની રિયલ લાઈફમાં આવ્યા છે.
તમન્ના ભાટિયા અને વિજય વર્મા છેલ્લા કેટલાક મહિનાઓથી રિલેશનશિપમાં છે. બંનેની કેમેસ્ટ્રી જાેઈને ચાહકો લાંબા સમયથી તેના વિશે જાણતા હતા અને અફેરના સમાચાર પણ હેડલાઈન્સમાં હતા. તમન્નાએ પણ એક દિવસ તક મળતાં જ તેમના સંબંધો પર મહોર મારી દીધી. તેના વાસ્તવિક જીવનના હીરો વિજય વર્મા માટે તમન્ના ભાટિયાએ તેના ૧૭ વર્ષના શાસનને રોકી દીધું છે. તમન્ના આ ફિલ્મમાં ઓનસ્ક્રીન કિસ કરતી જાેવા મળશે.
તમન્નાએ તેની ૧૭ વર્ષની કારકિર્દીમાં ક્યારેય ઓનસ્ક્રીન કિસ કરી નથી. તમન્ના હંમેશા આ અંગે સભાન રહે છે અને તેના કોન્ટ્રાક્ટમાં આ વાતનું ખૂબ ધ્યાન રાખે છે. દિગ્દર્શક સુજાેય ઘોષની ફિલ્મ લસ્ટ સ્ટોરી-૨માં તમન્ના ભાટિયા તેના હીરો વિજય વર્માને પહેલીવાર કિસ કરતી જાેવા મળશે. આ વાતનો ખુલાસો ખુદ વિજય વર્માએ કર્યો છે. વિજય વર્માએ ઈન્સ્ટન્ટ બોલિવૂડને આપેલા ઈન્ટરવ્યુમાં જણાવ્યું હતું કે, ‘હું ફિલ્મની વાર્તા સાંભળવાના પ્રસંગે સુજાેય ઘોષની ઓફિસમાં તમન્નાને પહેલીવાર મળ્યો હતો. અહીં અમે પહેલીવાર વાત કરી અને અમે ખૂબ ભળી ગયા. તમન્નાએ જણાવ્યું કે, તેણે ૧૭ વર્ષથી તેના કોન્ટ્રાક્ટમાં એક કલમ સામેલ કરી છે. જેમાં ‘નો કિસ’ નીતિ છે. ૧૭ વર્ષની કારકિર્દીમાં તમન્નાએ ક્યારેય ઓનસ્ક્રીન કિસ કરી નથી. તમન્નાએ મને કહ્યું કે, તારી સાથે પહેલીવાર આ નિયમ તોડવામાં આવ્યો છે. આના જવાબમાં મેં પણ તેમનો આભાર માન્યો હતો.
તાજેતરમાં, ફિલ્મ કમ્પેનિયનને આપેલા તેના ઇન્ટરવ્યુમાં, તમન્ના ભાટિયાએ પણ કહ્યું, ‘મને નથી લાગતું કે, તમે કોઈની તરફ એટલા માટે આકર્ષિત થઈ શકો કે, તે તમારો કોસ્ટાર છે. મેં આ પહેલા ઘણા કોસ્ટાર સાથે કામ કર્યું છે. આ બધી લાગણીઓ અંદરથી આવે છે અને તમે આકર્ષિત થાઓ છો. તેઓ શું કામ કરે છે અથવા તેઓ કેવા પ્રકારનું જીવન જીવે છે તેનાથી કોઈ ફરક પડતો નથી.
તમન્ના ભાટિયા અને વિજય વર્મા છેલ્લા કેટલાક મહિનાઓથી રિલેશનશિપમાં છે. બંનેના સંબંધોની ચર્ચા ઘણા સમયથી ચાલી રહી હતી. ભૂતકાળમાં તમન્ના ભાટિયાએ તેમના સંબંધો પર મહોર મારી હતી. હવે રીલ અને રિયલ લાઈફ કપલ વિજય વર્મા અને તમન્ના ભાટિયા ટૂંક સમયમાં સુજાેય ઘોષની ફિલ્મ લસ્ટ સ્ટોરી-૨માં જાેવા મળશે.
