અમદાવાદ સાયબર ક્રાઈમે ઓનલાઈન શોપીંગની ડુપ્લીકેટ વેબસાઈટ બનાવી ગ્રાહકોને છેતરતી ગેંગના 2 સભ્યોની ધરપકડ કરી છે.
આજકાલ ટેક્નોલોજીના યુગમાં લોકો ઓનલાઈન શોપિંગ વધુ કરે છે. ત્યારે ઓનલાઈન શોપિંગના નામે લોકોને છેતરનાર 2 આરોપી અમદાવાદ સાયબર ક્રાઈમના હાથે ઝડપાઈ ગયા છે. આ પકડાયેલ આરોપી ઓનલાઈન શોપીંગની નકલી વેબસાઈટ બનાવીને છેતરપીંડી કરતો હતો. અમદાવાદ સાયબર ક્રાઈમે ઓનલાઈન શોપીંગની ડુપ્લીકેટ વેબસાઈટ બનાવી ગ્રાહકોને છેતરતી ગેંગના 2 સભ્યોની ધરપકડ કરી છે.
આ બંને આરોપીઓએ www.bagonia.in અને www.bageto.in નામની વેબસાઈટ બનાવી પોતાની કંપનીનો ડેટા અપલોડ કરી સસ્તા ભાવે માલ વેચાણ માટે મુકી દીધો હોવાનું જાણવા મળ્યું છે, જેના કારણે ફરિયાદીને આર્થિક નુકસાન થયું છે. તમારી કંપની ગ્રાહકો પાસેથી પૈસા લઇ અને સામાન ઓનલાઈન મોકલતા નથી. આ અંગે સાયબર ક્રાઈમમાં ફરિયાદ કરવામાં આવતાં તપાસ દરમિયાન સુરતના બે શકમંદોના નામ સામે આવ્યા હતા. બંને આરોપીઓની સુરતમાંથી સાયબર ક્રાઈમ દ્વારા ધરપકડ કરવામાં આવી છે. આરોપીઓની પૂછપરછ દરમિયાન જાણવા મળ્યું છે કે, આરોપીઓ છેલ્લા ચાર-પાંચ વર્ષથી આવી ડુપ્લીકેટ વેબસાઈટ બનાવીને છેતરપિંડી કરતા હતા. આ આરોપીઓ દર અઠવાડિયે વેબસાઈટ બંધ કરી દેતા હતા અથવા નવા નામથી વેબસાઈટ અપલોડ કરતા હતા. આરોપીઓ પાસેથી મોબાઈલ ફોન અને લેપટોપ મળી આવ્યા છે. આ સિવાય સાયબર ક્રાઈમ આ પાંચ વર્ષમાં કેટલા બેંક એકાઉન્ટ અને કેટલી ડુપ્લિકેટ વેબસાઈટ બની તેની તપાસ કરી રહી છે.
