(રીઝવાન આંબલીયા)

કિરણ રાવ દ્વારા નિર્દેશિત Jio સ્ટુડિયો અને આમિર ખાન પ્રોડક્શન દ્વારા નિર્મિત મોસ્ટ અવેટેડ કોમેડી ડ્રામા ફિલ્મ ‘મિસિંગ લેડીઝ’ને લઈને દર્શકોમાં ભારે ઉત્તેજના છે. ફિલ્મનું ટ્રેલર રિલીઝ થયું ત્યારથી જ ચાહકો ફિલ્મની રિલીઝની આતુરતાથી રાહ જોઈ રહ્યા છે. કિરણ અને આમિરની આ ફિલ્મ ઘણા સમયથી ચર્ચાનો વિષય છે.

“મિસિંગ લેડીઝ” 1 માર્ચ, 2024ના રોજ સિનેમાઘરોમાં રિલીઝ થવાની છે. આ ફિલ્મ માત્ર મનોરંજન જ નહીં પરંતુ દર્શકોને હાસ્યની દુનિયામાં લઈ જવા માટે તૈયાર છે. જેમ જેમ ફિલ્મનો રિલીઝ ડે નજીક આવી રહ્યો છે તેમ નિર્માતા-દિગ્દર્શક દેશભરના જુદા જુદા શહેરોમાં ફિલ્મની ઘણી સ્ક્રીનિંગનું આયોજન કરી રહ્યા છે. તાજેતરમાં ગુજરાતના અમદાવાદ શહેરમાં મીડિયા માટે ફિલ્મનું સ્ક્રિનિંગ યોજવામાં આવ્યું હતું.

આ સ્પેશિયલ સ્ક્રિનિંગમાં ફિલ્મના ડિરેક્ટર કિરણ રાવ સાથે લેખક સ્નેહા દેસાઈ અને નિત્યાંશી ગોયલ, પ્રતિભા રત્ન, સ્પર્શ શ્રીવાસ્તવ સહિતની સ્ટાર કાસ્ટ જોવા મળી હતી.