પોલીસે પશ્ચિમ બંગાળના યુવકને ઝડપી લઇ કાર્યવાહી હાથ ધરી
અમદાવાદ,તા.૧૩
અમદાવાદના વાડજમાં દોઢ વર્ષની માસૂમ બાળકી પર એક યુવકે દુષ્કર્મ ગુજાર્યુ છે. વાડજ પોલીસ મથક હદની આ ઘટનામાં પશ્ચિમ બંગાળના યુવકે વિસ્તારમાં રહેવા દરમિયાન એક માસૂમ બાળકી પર દુષ્કર્મ આચર્યુ છે.
યુવકે નજીકમાં જ રહેતી એક બાળકીને બિસ્કીટ ખવડાવવાના બહાને બોલાવીને ઘરમાં લઈ જઇ પોતાની હવસ પૂરી કરવા દુષ્કર્મ આચર્યુ હતુ.
આ બાળકી લોહીલુહાણ હાલતમાં ઘર પાસે પડી હતી ત્યારે તેની જાણ પરિવારને થઈ. બાળકીના પરિવારને જાણ થતા જ બાળકીને સારવાર કરાવી પોલીસને જાણ કરી હતી. વાડજ પોલીસે ઘટના સ્થળે દોડી આવીને દુષ્કર્મની તપાસ શરુ કરી હતી. આ દરમિયાન ૩૪ વર્ષીય આરોપી યુવકને પણ પોલીસે ઝડપી લઈને કાર્યવાહી હાથ ધરી છે. પોલીસે પોક્સો એક્ટ હેઠળ ગુનો નોંધી યુવક સામે કાર્યાવાહી કરી છે.
(જી.એન.એસ)
