સાઉદી સરકારે પેલેસ્ટિનિયન હજયાત્રીઓને છ મહિનાની રેસિડન્સ પરમિટ આપવાની જાહેરાત કરી છે, જેના પછી ઉમરાહ માટે જતા લોકો હવે સાઉદી અરેબિયામાં કોઈપણ મુશ્કેલી વિના રહી શકશે.

સાઉદી અરેબિયા,

ઇઝરાયલ અને હમાસ વચ્ચે યુદ્ધને આજે ચાર મહિના થયા છે. ઈઝરાયેલના હુમલાને કારણે ગાઝામાં તબાહી મચી ગઈ છે, લોકોના ઘર જમીનદોસ્ત થઈ ગયા છે, લોકો બેઘર થઈ ગયા છે અને ઘણા લોકો આ દુનિયા છોડીને ચાલ્યા ગયા છે. સમગ્ર વિશ્વની નજર આ યુદ્ધ પર ટકેલી છે. આરબ સહિત ઘણા દેશો આ યુદ્ધને ખતમ કરવા પ્રયાસ કરી રહ્યા છે.

આ દરમિયાન સાઉદી અરેબિયાએ પેલેસ્ટાઈનને લઈને મોટો ર્નિણય લીધો છે. સાઉદી સરકારે ઉમરાહ કરવા ગયેલા પેલેસ્ટિનિયન નાગરિકોને તેમના દેશમાં રહેવાની મંજૂરી આપી છે. સાઉદી સરકારે પેલેસ્ટિનિયન હજયાત્રીઓને છ મહિનાની રેસિડન્સ પરમિટ આપવાની જાહેરાત કરી છે, જેના પછી ઉમરાહ માટે જતા લોકો હવે સાઉદી અરેબિયામાં કોઈપણ મુશ્કેલી વિના રહી શકશે.

વાસ્તવમાં ઘણા પેલેસ્ટિનિયન નાગરિકો ઉમરાહ કરવા માટે સાઉદી ગયા હતા. પરંતુ હમાસ અને ઈઝરાયેલ વચ્ચે ચાલી રહેલા યુદ્ધને કારણે તેઓ પરત ફરી શકતા નથી. ઈઝરાયેલની સેનાએ ગાઝા પર કબજાે જમાવ્યો છે, અહીં સતત હુમલા થઈ રહ્યા છે જેના કારણે ઉમરાહ માટે ગયેલા પેલેસ્ટિનિયન યાત્રીઓ પોતાના ઘરે પરત ફરી શકતા નથી. આવી સ્થિતિમાં સાઉદીએ નાગરિકોની મદદ કરવાનું નક્કી કર્યું અને તેમના માટે છ મહિનાની રેસિડન્સ પરમિટ જારી કરી.

પેલેસ્ટાઈનના વિદેશ મંત્રાલયે સાઉદી સરકારના આ ર્નિણય પર સાઉદી કિંગ સલમાન બિન અબ્દુલ અઝીઝ અને ક્રાઉન પ્રિન્સ મોહમ્મદ બિન સલમાનનો આભાર વ્યક્ત કર્યો છે. સોશિયલ મીડિયા પર એક પોસ્ટ શેર કરતી વખતે મંત્રાલયે ગાઝાના હજયાત્રીઓને મદદ કરવા બદલ સાઉદી સરકારનો આભાર માન્યો છે.

તમને જણાવી દઈએ કે, સાઉદી અરેબિયા પેલેસ્ટાઈનીઓને સતત મદદ કરી રહ્યું છે. ગાઝામાં તબાહી વચ્ચે સરકારે ઘણી વખત રાહત સામગ્રી પહોંચાડી છે. જેમાં ખાણી-પીણી અને દવાઓ સહિત તમામ જરૂરી ચીઝ વસ્તુઓનો સમાવેશ થાય છે. સાઉદી સરકાર ઇઝરાયેલ અને હમાસ વચ્ચે મધ્યસ્થી કરવાનો સતત પ્રયાસ કરી રહી છે. આ સાથે અમેરિકા પણ આ યુદ્ધને ખતમ કરવાનો પ્રયાસ કરી રહ્યું છે.

ઉલ્લેખનીય છે કે, ગત વર્ષે ૭ ઓક્ટોબરે હમાસના લડવૈય્યાઓએ ઈઝરાયેલ પર હુમલો કર્યો હતો. આ દરમિયાન ૧૨૦૦થી વધુ લોકોના મોત થયા હતા. આ હુમલામાં મહિલાઓ અને બાળકો સહિત ઇઝરાયલી નાગરિકોને પણ બંધક બનાવ્યા હતા. ત્યારથી ઇઝરાયેલ સતત હમાસના સ્થાનોને નિશાન બનાવી રહ્યું છે. અત્યાર સુધી ઇઝરાયલે હમાસના ઘણા મોટા કમાન્ડરોને મારી નાખ્યા છે. ઈઝરાયેલના હુમલામાં અત્યાર સુધીમાં લગભગ ૩૦૦૦ લોકોએ જીવ ગુમાવ્યા છે.

(જી.એન.એસ)