ગુજરાતના નાસીરને છેતરપીંડીના કેસમાં મધ્યપ્રદેશ કોર્ટે ફટકારી ૧૭૦ વર્ષની સજા અને ૩ લાખનો દંડ
તેણે છેતરપિંડીના ૩૪ બનાવોને અંજામ આપ્યો હતો. આ કારણે તે ૧૭૦ વર્ષ જેલમાં વિતાવશે. આ ર્નિણય સાગર જિલ્લા કોર્ટના જજ અબ્દુલ્લા અહેમદે આપ્યો છે.
સાગર,તા.૩૦
મધ્યપ્રદેશની એક કોર્ટનો ર્નિણય હેડલાઇન્સમાં છે. અહીં, કોર્ટે એક વ્યક્તિને છેતરપિંડીના અલગ-અલગ કેસમાં દોષી ઠેરવ્યા બાદ ૧૭૦ વર્ષની જેલની સજા ફટકારી છે. આ સાથે ત્રણ લાખ ચાલીસ હજાર (૩,૪૦,૦૦૦) રૂપિયાનો દંડ પણ ફટકારવામાં આવ્યો છે.
દોષિત ઠગની ઉંમર ૫૫ વર્ષ છે. તેની સામે છેતરપિંડીના ૩૪ કેસ નોંધાયા હતા. જે વ્યક્તિ સામે કોર્ટે આ સજા સંભળાવી છે. તેનું નામ નાસીર મોહમ્મદ ઉર્ફે નાસીર રાજપૂત છે. સાગર જિલ્લા કોર્ટે છેતરપિંડીના દરેક કેસમાં તેને પાંચ વર્ષની કેદની સજા ફટકારી છે. ત્યારથી, તેણે છેતરપિંડીના ૩૪ બનાવોને અંજામ આપ્યો હતો. આ કારણે તે ૧૭૦ વર્ષ જેલમાં વિતાવશે. આ ર્નિણય સાગર જિલ્લા કોર્ટના જજ અબ્દુલ્લા અહેમદે આપ્યો છે. કોર્ટે નાસિર મોહમ્મદને કલમ-૪૨૦ હેઠળ દોષિત ઠેરવ્યો છે. આ ઉપરાંત છેતરપિંડીના દરેક કેસમાં ૧૦,૦૦૦ રૂપિયાનો દંડ પણ ફટકારવામાં આવ્યો છે. તે મુજબ તેણે દંડ તરીકે રૂ.૩,૪૦,૦૦૦ જમા કરાવવાના રહેશે. વાસ્તવમાં નાસીર મોહમ્મદે કુલ ૭૨ લાખ રૂપિયાની છેતરપિંડી કરી હતી. તેણે ભેંસા ગામના ૩ ડઝન જેટલા લોકો સાથે લાખોની છેતરપિંડી કરી હતી. આરોપી સામે વર્ષ ૨૦૧૯માં ફરિયાદ નોંધાઈ હતી. જાે કે, તે પરિવાર સાથે ઘરમાંથી ફરાર થઈ ગયો હતો. બાદમાં પોલીસને ખબર પડી કે તે કર્ણાટક ભાગી ગયો છે. આ પછી, પોલીસે તેની ૧૯ ડિસેમ્બર, ૨૦૨૦ના રોજ કર્ણાટકના કુલબર્ગાથી ધરપકડ કરી હતી. મીડિયા રિપોર્ટ્સ અનુસાર, ફરિયાદીઓએ આરોપ લગાવ્યો હતો કે, નાસિરે તેમની પાસેથી કપડાની ફેક્ટરી શરૂ કરવાના નામે લાખો રૂપિયા લીધા હતા.
આ કેસમાં કહેવામાં આવી રહ્યું છે કે, જેમ જ નાસિરની સજા પૂરી થશે, તેના પછી તરત જ બીજી સજા શરૂ થશે. આ રીતે તેણે ૧૭૦ વર્ષ જેલમાં પસાર કરવા પડશે. નાસીર ગુજરાતના તાપીનો રહેવાસી હોવાનું કહેવાય છે. કાયદાકીય નિષ્ણાતોનું કહેવું છે કે, નાસિર પાસે હજુ પણ વિકલ્પ છે. આ કિસ્સામાં તે ર્નિણય વિરુદ્ધ ઉચ્ચ અદાલતમાં જઈ શકે છે. નાસિર સામે અલગ અલગ પ્રકારના ગુના નોંધાતા રહ્યા હતા અને તે ભાગતો રહ્યો હતો પરંતુ પોલીસની નજરમાંથી તે બચી શક્યો નહતો. તે કર્ણાટક સુધી પહોંચ્યો હોવાના સમાચાર બહાર આવ્યા હતા જે બાદ પોલીસ વધુ એક્ટિવ થઈ ગઈ હતી. આખરે જ્યારે તે પકડમાં આવ્યો ત્યારે તેને મોટી સજા વિવિધ ગુનાઓ તળે ફટકારવામાં આવી અને તે ૧૭૦ વર્ષ સુધી પોંહચી ગઈ હતી.
