ધ ગ્રેટ ઈન્ડિયન કપિલ શોનો એક વીડિયો છે જે સોશિયલ મીડિયા પર વાયરલ થઈ રહ્યો છે.
(એ.આર.એલ), મુંબઇ,તા.૧૧
એક સમય એવો હતો જ્યારે કપિલ શર્માનો શો નવજાેત સિંહ સિદ્ધુ વગર ચાલી શકતો ન હતો. ત્યારબાદ એક સમય એવો આવ્યો જ્યારે નવજાેત સિંહ સિદ્ધુને રાતોરાત શોમાંથી બહાર કરી દેવામાં આવ્યા. નવજાેત સિંહ સિદ્ધુ જતાની સાથે જ અર્ચના પુરણ સિંહે શોની કમાન સંભાળી લીધી હતી. વર્ષો વીતી ગયા છતાં અર્ચના પુરણ સિંહ આ ખુરશી છોડવા તૈયાર નથી.
આ દરમિયાન કપિલ શર્માના શો ધ ગ્રેટ ઈન્ડિયન કપિલ શોને લઈને એક મોટા સમાચાર સામે આવી રહ્યા છે. સમાચાર છે કે, લાંબા સમય બાદ નવજાેત સિંહ સિદ્ધુ ફરી એકવાર કપિલ શર્માના શોમાં એન્ટ્રી કરવા જઈ રહ્યા છે. અમે આ નથી કહી રહ્યા, પરંતુ તેનો પુરાવો ધ ગ્રેટ ઈન્ડિયન કપિલ શોનો એક વીડિયો છે જે સોશિયલ મીડિયા પર વાયરલ થઈ રહ્યો છે.
વાયરલ થઈ રહેલા આ વીડિયોમાં કપિલ શર્મા હંમેશની જેમ શોને હોસ્ટ કરતો જાેવા મળી રહ્યો છે. નવજાેત સિંહ સિદ્ધુને પોતાની નજર સામે બેઠેલા જાેયા બાદ કપિલ શર્માને વિશ્વાસ જ ન થયો. જાેકે, નવજાેત સિંહ સિદ્ધુ બોલવાનું શરૂ કરે છે ત્યારે કપિલ શર્માના હોશ ઉડી જાય છે. વીડિયોમાં નવજાેત સિંહ સિદ્ધુ અને અર્ચના પુરણ સિંહ વચ્ચે ખુરશી માટે લડાઈ જાેવા મળી રહી છે. આ વીડિયોએ સોશિયલ મીડિયાની દુનિયાને હચમચાવી દીધી છે. તમને જણાવી દઈએ કે, નવજાેત સિંહ સિદ્ધુ ધ ગ્રેટ ઈન્ડિયન કપિલ શોમાં ગેસ્ટ તરીકે એન્ટ્રી કરવા જઈ રહ્યા છે.
નવજાેત સિંહ સિદ્ધુ પોતાની પત્ની સાથે ધ ગ્રેટ ઈન્ડિયન કપિલ શોમાં જાેવા મળશે. તે જ સમયે, ભારતના પ્રખ્યાત ક્રિકેટર હરભજન સિંહ પણ કપિલ શર્માના શોમાં નવજાેત સિંહ સિદ્ધુ સાથે જાેડાશે. આ સમાચારે ચાહકોનો ઉત્સાહ સાતમા આસમાને પહોંચી ગયો છે. લોકો હવે આ એપિસોડ જાેવા માટે નેટફ્લિક્સ પર રાહ જાેઈ રહ્યા છે.
