હેવાનિયત : દોઢ વર્ષ સુધી અંધકારમય રૂમમાં યુવતી પર બળાત્કાર ગુજાર્યો, પછી તેના પ્રાઇવેટ પાર્ટ્સ સળગાવી દીધા
(એ.આર.એલ), રાયપુર,તા.૧૨
યુવતીએ પોલીસને જણાવ્યું કે, જ્યારે તેણે આનો વિરોધ કર્યો તો ફિરોઝે તેના પ્રાઈવેટ પાર્ટ પર કેમિકલ નાખીને બાળી નાખ્યું.
છત્તીસગઢથી બર્બરતાનો એક કિસ્સો સામે આવ્યો છે. રાજ્યની રાજધાની રાયપુરના કોંડાગાંવમાં એક યુવકે એક આદિવાસી યુવતીનું અપહરણ કરીને તેને મુંબઈ લઈ ગયો અને તેની સાથે અવારનવાર બળાત્કાર ગુજાર્યો હતો. આ ઉપરાંત યુવતીના પ્રાઈવેટ પાર્ટ પણ બાળી નાખ્યા હતા.
પોલીસ પાસેથી મળેલી માહિતી મુજબ દોઢ વર્ષ પહેલા ફિરોઝ નામના યુવકે ૨૨ વર્ષની આદિવાસી યુવતીનું અપહરણ કરીને તેને મુંબઈના ધારાવી વિસ્તારમાં એક અંધારા રૂમમાં બંધક બનાવી હતી. આ દરમિયાન તેણે લગભગ દોઢ વર્ષ સુધી યુવતી પર બળાત્કાર ગુજાર્યો હતો.
પોલીસે જણાવ્યું કે, ફિરોઝે યુવતીના પ્રાઈવેટ પાર્ટ પર કેમિકલ નાખીને સળગાવી દીધી હતી. જાે કે, છોકરી કોઈક રીતે ફિરોઝના ચુંગાલમાંથી છટકીને કોંડાગાંવ પહોંચી અને પરિવારને આ અંગે જાણ કરી હતી. યુવતીના પરિવારે તેને હોસ્પિટલમાં દાખલ કરી અને પોલીસમાં ફરિયાદ નોંધાવી છે.
પોલીસ અધિક્ષકે જણાવ્યું છે કે, ટેક્સ પોલીસ આરોપીઓની ધરપકડ માટે રવાના થઈ ગઈ છે. વધુમાં તેમણે જણાવ્યું કે, બસ્તર ડિવિઝનના કોંડાગાંવ જિલ્લાના મકડી પોલીસ સ્ટેશન વિસ્તારની યુવતીએ પૂછપરછ દરમિયાન કહ્યું કે, તેને ૨૦૨૨-૨૩માં એક અજાણ્યા નંબર પરથી કોલ આવ્યો હતો. તે નંબર આરોપી ફિરોઝનો હતો. તે તેને નવા નંબરોથી ફોન કરતો રહ્યો અને તેને મળવાનું કહ્યું, પરંતુ યુવતીએ તેને ના પાડી. આવી સ્થિતિમાં એક દિવસ છોકરીની તબિયત બગડી અને તે કોંડાગાંવ આવી. કોંડાગાંવમાં છોકરીના આગમનની જાણ ફિરોઝને થતાં જ તે ત્યાં પહોંચ્યો અને તેણીના ગળા પર કાચ મૂકીને તેણીને ડરાવીને પોતાની સાથે મુંબઈ લઈ ગયો હતો.
આદિવાસી યુવતીએ જણાવ્યું કે, ફિરોઝ ધારાવીમાં એક નાના રૂમમાં રહેતો હતો, જ્યાં બારી પણ નહોતી. તેણે રોજ તેના પર બળાત્કાર ચાલુ રાખ્યો. યુવતીએ જણાવ્યું કે, જ્યારે તેણે આનો વિરોધ કર્યો તો ફિરોઝે તેના પ્રાઈવેટ પાર્ટ પર કેમિકલ નાખીને બાળી નાખ્યું. તેણે તેને માર પણ માર્યો અને ઘણા દિવસો સુધી તેને ખાવાનું પણ ન આપ્યું. આ સિવાય ફિરોઝે તેના મોબાઈલ પરથી યુવતીના પરિવારને મેસેજ કર્યો હતો કે, તે સુરક્ષિત છે અને તેને એક છોકરા સાથે પ્રેમ થઈ ગયો છે, જેની સાથે તે લગ્ન કરવા જઈ રહી છે.
