મદ્રાસ HCના ર્નિણયને પડકારવામાં આવ્યો, અને SCએ મોટો નિર્ણય સંભળાવ્યો
નવીદિલ્હી,તા.૨૪
ચાઈલ્ડ પોર્નોગ્રાફી પર સુપ્રીમ કોર્ટે મોટો નિર્ણય સંભળાવ્યો છે. સુપ્રીમ કોર્ટે કહ્યું કે, ચાઈલ્ડ પોર્નોગ્રાફી ડાઉનલોડ કરવી અથવા જાેવી એ POCSO એક્ટ હેઠળ ગુનો છે. CJI DY ચંદ્રચુડ, જસ્ટિસ જેબી પારડીવાલા અને જસ્ટિસ મનોજ મિશ્રાની બેન્ચે આ નિર્ણય આપ્યો છે.
અરજીમાં મદ્રાસ હાઈકોર્ટના નિર્ણયને પડકારવામાં આવ્યો હતો, જેમાં કહેવામાં આવ્યું હતું કે, માત્ર ચાઈલ્ડ પોર્નોગ્રાફી ડાઉનલોડ કરવી અને જાેવી એ POCSO એક્ટ અને ઈન્ફોર્મેશન ટેક્નોલોજી એક્ટ હેઠળ ગુનો નથી. સુપ્રીમ કોર્ટે કહ્યું કે, ચાઈલ્ડ પોર્નોગ્રાફીની જગ્યાએ ‘Child Sexual Exploitative and Abusive Material’ શબ્દનો ઉપયોગ કરવો જાેઈએ. કેન્દ્ર સરકારે વટહુકમ લાવીને તેમાં ફેરફાર કરવો જાેઈએ. અદાલતોએ પણ ચાઈલ્ડ પોર્નોગ્રાફી શબ્દનો ઉપયોગ ન કરવો જાેઈએ.
જસ્ટિસ જેબી પારડીવાલાએ કહ્યું કે, અમે દોષિતોની માનસિક સ્થિતિની ધારણાઓ પર તમામ સંબંધિત જાેગવાઈઓને સમજાવવાનો અમારી રીતે પ્રયાસ કર્યો છે અને માર્ગદર્શિકા પણ નક્કી કરી છે. અમે કેન્દ્રને ચાઇલ્ડ પોર્નોગ્રાફીને બાળ જાતીય શોષણ સામગ્રી સાથે બદલવા માટે વટહુકમ બહાર પાડવા માટે પણ વિનંતી કરી છે. અમે તમામ હાઈકોર્ટને ચાઈલ્ડ પોર્નોગ્રાફી શબ્દનો ઉપયોગ ન કરવા જણાવ્યું છે.
આ વર્ષે જાન્યુઆરીમાં મદ્રાસ હાઈકોર્ટે POCSO એક્ટના આરોપી સામેનો કેસ રદ કર્યો હતો. હાઈકોર્ટે કહ્યું હતું કે, કોઈના ડિવાઈસ પર ચાઈલ્ડ પોર્નોગ્રાફી જાેવી કે, ડાઉનલોડ કરવી ગુનાના દાયરામાં આવતી નથી. કોર્ટે આ ટિપ્પણી ૨૮ વર્ષીય વ્યક્તિ વિરુદ્ધ ચાલી રહેલા કેસની સુનાવણી દરમિયાન કરી હતી. ચાઈલ્ડ પોર્નોગ્રાફીના આરોપમાં તેની સામે પોક્સો અને આઈટી એક્ટ હેઠળ કેસ નોંધવામાં આવ્યો હતો. કોર્ટે આરોપી સામે ચાલી રહેલા કેસને રદ કર્યો હતો. ૨૦૨૩માં કેરળ હાઈકોર્ટે પણ આવું જ નિવેદન આપ્યું હતું. કોર્ટે કહ્યું હતું કે, જાે કોઈ વ્યક્તિ અશ્લીલ ફોટા કે, વીડિયો જાેતો હોય તો તે ગુનો નથી, પરંતુ જાે તે અન્ય લોકોને બતાવતો હોય તો તે ગેરકાયદેસર ગુનો ગણાશે.
(જી.એન.એસ)
