બેન ગ્વીરના નિવેદનથી સવાલો ઉભા થયા કે, શું ઈઝરાયેલ ગાઝા પર કબજાે કરવા માંગે છે..?

ઈઝરાયેલની સ્થાપના બાદથી મોટી સંખ્યામાં પેલેસ્ટાઈનીઓને તેમના ઘર છોડવા પડ્યા હતા. ૧૯૪૮માં જ્યારે ઈઝરાયેલ અસ્તિત્વમાં આવ્યું ત્યારે ૭ લાખથી વધુ લોકો વિસ્થાપિત થયા હતા.

ઇઝરાયેલ,તા.૨૩
શું ઇઝરાયેલ ગાઝા પર કબજાે કરવા માંગે છે..? આ સવાલ એટલા માટે પૂછવામાં આવી રહ્યો છે કારણ કે, ઇઝરાયેલના જમણેરી મંત્રી ઇટામર બેન ગ્વિરે આ અંગે મોટું નિવેદન આપ્યું છે. બેન ગ્વિર તેમના વિવાદાસ્પદ નિવેદનો અને કાર્યો માટે જાણીતા છે. ક્યારેક તે તેના સમર્થકો સાથે અલ-અક્સા મસ્જિદના પરિસરમાં પ્રવેશ કરે છે અને ક્યારેક તે દાવો કરે છે કે, ઇઝરાયેલના કબજા હેઠળના પશ્ચિમ કાંઠે પેલેસ્ટિનિયનો કરતા તેની પાસે વધુ અધિકાર છે.

બેન ગ્વિરના વિવાદાસ્પદ નિવેદનો અને કાર્યોને કારણે બ્રિટનમાં તેમના પર પ્રતિબંધ મૂકવાની તૈયારીઓ ચાલી રહી છે. તાજેતરના વિવાદનું કારણ ગાઝાના કબજા સાથે સંબંધિત બેન ગ્વીરનું નિવેદન હોવાનું કહેવાય છે. ૨૧ ઓક્ટોબરે ઇઝરાયેલના શાસક પક્ષ દ્વારા સમાધાન પરિષદનું આયોજન કરવામાં આવ્યું હતું. જ્યાં બેન ગ્વિરે પેલેસ્ટિનિયનો પાસેથી ગાઝા ખાલી કરાવવાની વાત કરી હતી. બેન ગ્વિરે કહ્યું, ‘અમારા માટે ગાઝાનું પુનર્વસન કરવું શક્ય છે, અમે ગાઝામાં કેફાર ડેરોમનું પુનઃનિર્માણ કરી શકીએ છીએ, અમે ગાઝામાં વિસ્થાપનને પ્રોત્સાહન આપવા વિશે વાત કરતા જણાવ્યું હતું કે, મોટી અને સાચી વાત એ છે કે, ગાઝામાં વિસ્થાપનને પ્રોત્સાહન આપવું.’ સમસ્યાનો શ્રેષ્ઠ ઉકેલ છે. બેન ગ્વિરે કહ્યું, ‘જબરદસ્તીથી નહીં, પરંતુ આપણે તેમને (પેલેસ્ટાઈનીઓને) કહેવું જાેઈએ કે, અમે તેમને આ જમીન છોડીને કોઈ અન્ય દેશમાં વસવાટ કરવાની તક આપી રહ્યા છીએ, આ જમીન ઈઝરાયેલની છે.’

ગાઝા પેલેસ્ટાઈનનો એક ભાગ છે, પરંતુ તે જમીન પર પેલેસ્ટાઈન સાથે જાેડાયેલો વિસ્તાર નથી. તે ત્રણ બાજુઓથી ઇઝરાયેલ, દક્ષિણમાં ઇજિપ્તની સરહદ અને પશ્ચિમમાં ભૂમધ્ય સમુદ્રથી ઘેરાયેલું છે. ગાઝા પટ્ટી લગભગ ૩૬૫ ચોરસ કિલોમીટરનો એક નાનો વિસ્તાર છે જે વિશ્વના સૌથી ગીચ વસ્તીવાળા વિસ્તારોમાંથી એક માનવામાં આવે છે. લગભગ ૨૩ લાખ પેલેસ્ટાઈનીઓ અહીં રહે છે, પરંતુ ઈઝરાયેલ-હમાસ યુદ્ધને કારણે ગાઝાની ૯૦ ટકા વસ્તીને વિસ્થાપિત થવું પડ્યું છે.

મીડિયા રિપોર્ટ્‌સ અનુસાર ગાઝામાં અત્યાર સુધીમાં ૨૦ લાખ લોકો વિસ્થાપિત થઈ ચૂક્યા છે, યુદ્ધના પહેલા ૫ દિવસમાં જ ગાઝાની લગભગ ૪ લાખ વસ્તીને તેમના ઘર છોડવા પડ્યા હતા. UN OCHAના રેકોર્ડ મુજબ ગાઝાના લગભગ ૨ લાખ લોકો UNRWAના ૧૧૦ શરણાર્થી શિબિરોમાં રહે છે. ઇઝરાયેલના હુમલાઓને કારણે, વસ્તીનો મોટો હિસ્સો, લગભગ ૧.૫ મિલિયન લોકોને રફાહમાં આશ્રય લેવાની ફરજ પડી છે.

ઈઝરાયેલની સ્થાપના બાદથી મોટી સંખ્યામાં પેલેસ્ટાઈનીઓને તેમના ઘર છોડવા પડ્યા હતા. ૧૯૪૮માં જ્યારે ઈઝરાયેલ અસ્તિત્વમાં આવ્યું ત્યારે ૭ લાખથી વધુ લોકો વિસ્થાપિત થયા હતા. ૧૯૬૭માં ઈજિપ્ત, સીરિયા અને જાેર્ડને મળીને ઈઝરાયેલ પર હુમલો કર્યો. ઈઝરાયેલ આ યુદ્ધ માત્ર ૬ દિવસમાં જીતવામાં સફળ રહ્યું હતું. આ યુદ્ધ દરમિયાન લગભગ ૩ લાખ પેલેસ્ટાઈનીઓને વિસ્થાપિત થવું પડ્યું હતું. પેલેસ્ટિનિયનો વિસ્થાપનની આ દુર્ઘટનાને અરબીમાં ‘નકબા’ કહે છે. જ્યારે ૮ ઓક્ટોબરે હમાસ દ્વારા કરવામાં આવેલા હુમલાના જવાબમાં ઈઝરાયેલે ગાઝા પર હુમલા શરૂ કર્યા ત્યારે એવી આશંકા વ્યક્ત કરવામાં આવી હતી કે, આ યુદ્ધને કારણે ગાઝાની મોટી વસ્તીને વિસ્થાપિત કરવી પડશે.

(જી.એન.એસ)