હુમલામાં ૩૫ લોકો માર્યા ગયા જેમાં મોટાભાગની મહિલાઓ અને બાળકો હતા.
રફાહ, તા. ૨૮
ઈઝરાયેલે ફરી એક વખત હમાસના કેટલાક ઠેકાણાઓ પર હવાઈ હુમલો કર્યો છે. ફિલિસ્તીની સ્વાસ્થ્ય અને નાગરિકોની સેવા આપતા અધિકારીએ દાવો કર્યો હતો કે, ઈઝરાયેલની સેનાનાં આ હુમલામાં ઓછામાં ઓછા ૩૫ ફિલિસ્તીની નાગરિકો મૃત્યું પામ્યા છે અને કેટલાય લોકો ઘાયલ થયા છે.
હુમલા વિશે જાણકારી આપતા ફિલીસ્તીની સ્વાસ્થ્ય અને નાગરિક આપત્તિ સેવાનાં આધિકારીએ જણાવ્યું હતું કે, દક્ષિણી ગાજા પટ્ટીનાં રફાહ શહેરનાં એક વિસ્તારમાં ઈઝરાયેલી સેનાએ હવાઈ હુમલો કર્યો હતો. હવાઈ હુમલામાં ૩૫ ફિલીસ્તીની નાગરિકોનાં મોત નિપજ્યા હતા અને ૧૦થી વધુ લોકો ઘાયલ થયા હતા.
ઇઝરાયેલની સેનાએ કહ્યું કે, તેની વાયુસેનાએ રફાહમાં હમાસના એક અડ્ડા પર હુમલો કર્યો અને આ હુમલો ચોક્કસ દારૂગોળો અને સચોટ ગુપ્ત માહિતીના આધારે કરવામાં આવ્યો.
ગાઝાના હમાસ સંચાલિત આરોગ્ય મંત્રાલયના પ્રવક્તા અશરફ અલ-કિદ્રાએ જણાવ્યું હતું કે, હુમલામાં ૩૫ લોકો માર્યા ગયા હતા અને ડઝનેક અન્ય લોકો ઘાયલ થયા હતા, જેમાં મોટાભાગની મહિલાઓ અને બાળકો હતા. આ હુમલો પશ્ચિમી રફાહના તેલ અલ-સુલતાન વિસ્તારમાં થયો હતો, જ્યાં હજારો લોકો આશ્રય લઈ રહ્યા હતા. કારણ કે, શહેરના પૂર્વ વિસ્તારોમાંથી ઘણા લોકો ભાગી ગયા હતા, જ્યાં બે અઠવાડિયા પહેલા ઇઝરાયેલી સુરક્ષા દળોએ જમીન પર હુમલો કર્યો હતો.
રેડ ક્રોસની ઇન્ટરનેશનલ કમિટી કહે છે કે, રફાહમાં તેઓ ચલાવતી ફિલ્ડ હોસ્પિટલમાં મોટી સંખ્યામાં જાનહાનિ આવી રહી છે, અને અન્ય હોસ્પિટલોમાં પણ ઘણા દર્દીઓ આવી રહ્યા છે.
(જી.એન.એસ)
