ક્રાઇમ બ્રાંચે ડ્રગ્સ માફીયા ચિનો કાકુજીની પિસ્તોલ સાથે ધરપકડ કરી
સુરત,તા.૨૬
સુરતનો ડ્રગ્સ માફીયા ચિનો કાકુજી પોલીસના સકંજામાં આવી ગયો છે. ક્રાઇમ બ્રાંચે ડ્રગ્સ માફીયા ચિનો કાકુજીની પિસ્તોલ સાથે ધરપકડ કરી છે. કોસાડનો કુખ્યાત અને ડ્રગ્સ માફીયા અમરોલી આવાસમાંથી ઝડપાયો છે.
ડ્રગ્સ માફિયા ઈસ્માઈલ ગુર્જર અને ચીના કાકુજી વચ્ચે ગેંગ વોર ચાલે છે. જેથી ડ્રગ્સ માફીયા ચિનો પિસ્તોલ લઈને ફરતો હોવાનું બહાર આવ્યું છે. ડ્રગ્સ માફિયા ઈસ્માઈલ હાલ જામીન પર બહાર છે. પકડાયેલો આરોપી પર અગાઉ અનેક ગુના નોંધાઈ ચુક્યા છે, જેમાં હત્યાના પ્રયાસ જેવા ગુના પણ સામેલ છે.
ક્રાઇમ બ્રાન્ચની ટીમે બાતમીને આધારે કોસાડ આવાસમાં વોચ ગોઠવી હતી. અહીં રહેતો અને 2020માં ખટોદરા પોલીસને હાથે ડ્રગ્સનાં ગુનામાં ઝડપાઇ ચૂકેલો સાજીદ ઉર્ફે ચીનો કાકુજી લોડેડ પિસ્ટલ લઇ ફરી રહ્યો હોવાની બાતમી હોવાથી તેને દબોચ્યો હતો. તેની પાસેથી પોલીસને ત્રણ કાર્ટિઝ સાથેની લોડેડ પિસ્ટલ મળી આવતાં તેની ધરપકડ કરી વધુ તપાસ હાથ ધરી છે.
