“પતંગમાં ગંગા” : પતંગ હોટલના માલિક ઉમંગ ઠક્કર અને તેમના પરિવારજનોએ પૂજ્ય સ્વામી કૈલાશાનંદ ગિરિજી મહારાજના આશીર્વાદ મળ્યા
(રીઝવાન આંબલીયા)
“પતંગ હોટલ”ના માલિક ઉમંગ ઠક્કર અને તેમના પરિવારજનોએ પૂજ્ય સ્વામી કૈલાશાનંદ ગિરિજી મહારાજના આશીર્વાદ મેળવ્યા હતા.
અમદાવાદની ઓળખ તેમજ અમદાવાદની આન, બાન અને શાન ગણાતી એવી “પતંગ હોટલ”માં ૧૫ નવેમ્બર શુક્રવારના રોજ હરિદ્વાર સ્થિત પ્રાતઃ સ્મરણીય સંત શિરોમણી નિરંજન પીઠાધીશ્વર શ્રી શ્રી ૧૦૦૮ આચાર્ય મહામંડલેશ્વર પૂજ્ય સ્વામી કૈલાશાનંદ ગિરિજી મહારાજ ઉપસ્થિત રહ્યા હતા.
આ અવસરે “પતંગ હોટલ”ના માલિક ઉમંગ ઠક્કર અને તેમના પરિવારજનોને આધ્યાત્મિક ગંગામાં સ્નાન કરવાનો સૂવર્ણ અવસર તેમજ દર્શન અને આશીર્વાદનો અમૂલ્ય લ્હાવો મળ્યો હતો.
અત્રે ઉલ્લેખનીય છે કે, અમદાવાદના ‘ઉમંગ સે પતંગ’ ફાઉન્ડેશનના ફાઉન્ડર અને ડિરેક્ટર અસ્મિતા ઠક્કર અને “પતંગ હોટલ”ના માલિક ઉમંગ ઠક્કર દ્વારા એક અનોખો સેવા યજ્ઞનો પ્રારંભ કરવામાં આવ્યો છે. આ પ્રોજેકટ અંતર્ગત તેઓ દર અઠવાડિયે એક એનજીઓની મદદથી અંદાજીત એવા ૫૦ બાળકોને “પતંગ હોટેલ”માં લાવી રહ્યા છે, જે ઊંચાઈએથી અમદાવાદનો નજારો સાથો-સાથ હોટેલની મુલાકાત અને ભોજનના આસ્વાદ પણ માણી શકે છે.
