(રીઝવાન આંબલીયા)
આ કાર્યક્રમમાં કલાકારોને ટ્રોફી એનાયત કરી સન્માનિત કરવામા આવ્યા હતા.
શ્રી સમસ્ત બ્રહ્મ સમાજ અમદાવાદ પશ્ચિમના ઉપક્રમે, બ્રહ્મ સમાજના લોકો માટે ગત 26 ઓક્ટોબરના રોજ એક ટેલેન્ટ ઈવનીંગનુ આયોજન આશ્રમ રોડ સ્થિત, ગુજરાતી સાહિત્ય પરિષદ હોલ ખાતે હાથ ધરાયુ હતુ. જેમાં આમંત્રિત મહેમાનશ્રીઓ, સમાજના ટ્રસ્ટીઓ તથા આગેવાનશ્રીઓના હસ્તે સરસ્વતી માતા સમક્ષ દિપ પ્રાગટ્ય કરીને કાર્યક્રમની શરૂઆત કરાઈ હતી.
આ કાર્યક્રમમાં બ્રહ્મ સમાજના 51 જેટલા કલાકારોએ ભાગ લીધો હતો. બાળ-કલાકારો, યુવક-યુવતીઓ, મહિલાઓ અને વરિષ્ઠ ઊંમરના કલકારો દ્વારા સાંસ્કૃતિક, ધાર્મિક તેમજ નૃત્ય, વેશભૂષા અને ગીત સંગીત જેવી કલાની ખુબ જ સુંદર પ્રસ્તુતિ કરવામાં આવી હતી. કલાકારો દ્વારા મનમોહક અને પ્રભાવી કલા-પ્રસ્તુતિએ બધા દર્શકોના મનહરી લીધા હતા.
આ કાર્યક્રમમાં વિશેષ આમંત્રિત તરીકે ધારાસભ્ય અમિતભાઈ ઠાકર અને તેમના પત્ની તથા વરિષ્ઠ કલાકાર બંકિમભાઈ પાઠક, વર્ષાબેન કુલકર્ણી, પ્રસિદ્ધ ડાયરેક્ટર જયેશ ત્રિવેદી, રીટા દવે, મનિષા ત્રિવેદી જેવા મહાનુભવોએ ઉપસ્થિત રહી કલાકારોનો ઉત્સાહ વધાર્યો હતો. સમસ્ત બ્રહ્મસમાજ અમદાવાદ પશ્ચિમના આગેવાનશ્રીઓ, ટ્રસ્ટીમંડળ, સમાજના કાર્યકર્તાઓના સાથ સહકાર સાથે કાર્યક્રમના કન્વિનર દિનકર જાનીના સંચાલન દ્વારા સમગ્ર કાર્યક્રમને સફળતા પ્રાપ્ત થઈ હતી. દરેક કલાકારને ટ્રોફી એનાયત કરી સન્માનિત કરવામા આવ્યા હતા. દિવાળીનો સમય હોવા છતાં પણ મોટી સંખ્યામાં સમાજના પરિવારજનોએ ઉપસ્થિતિ રહી કાર્યક્રમને સફળ બનાવ્યો હતો.
દિનકર જાની – 99044 75390
કન્વિનર – ટેલેન્ટ ઈવનિંગ
