વડોદરાના ફતેપુરામાં બે મકાન વચ્ચેની સાંકડી ગલીમાં ગાય ફસાઈ જતાં ગાયનું રેસ્ક્યુ કરવામાં આવ્યું
વડોદરા,
વડોદરા શહેરના ફતેપુરા વિસ્તારમાં આજે સવારે બે મકાનોની દિવાલ વચ્ચે ફસાયેલી ગાયને બચાવવા માટે ફાયર બ્રિગેડ દ્વારા રેસ્ક્યુ કરવામાં આવ્યું હતું. ફતેપુરા રાણાવાસ વિસ્તારમાં રહેતા હિન્દુ પરિવારના મકાનની પાસે મુસ્લિમ પરિવારના મકાનનો ડેલો આવેલો છે જેનો કેટલોક ભાગ ખુલ્લો છે અને દિવાલ પણ જૂની છે. આ બે મકાનની વચ્ચે દોઢથી બે ફૂટ જેટલી જગ્યામાંથી નીકળવા ગયેલી ગાય બંને મકાનની દિવાલો વચ્ચે ફસાઈ ગઈ હતી.
ગાય જેમ નીકળવાનો પ્રયાસ કરતી હતી તેમ વધુ ફસાઈ જતી હતી આખરે સ્થાનિક રહીશોએ ફાયર બ્રિગેડની મદદથી દાંડિયા બજારની ટીમ બનાવવાના સ્થળે પહોંચી હતી અને ગાયનું રેસ્ક્યુ કરવામાં આવ્યું હતું.
