સાજીદ સૈયદ, નર્મદા
નર્મદા જિલ્લાના નાદોડ તાલુકાના પોઇચા ખાતે રહેતો એક યુવક તારીખ 23/9/2023ના રોજ પોતાના ઘરેથી ફોર્ચ્યુનર ગાડી લઈ પાસપોર્ટ કઢાવવા જાવ છું એમ કહી ઘરેથી નીકળ્યા બાદ યુવકનો પત્તો ન લાગતા તેના પિતાએ પુત્ર ગુમ થયા અંગે રાજપીપળા પોલીસ મથકમાં જાણ કરી છે.
નર્મદા જિલ્લાના નાદોદ તાલુકાના પોઇચા ગામના ડેરીવાળું ફળિયુમાં રહેતો ભદ્રેશભાઈ ઉર્ફે રોની દિનેશભાઈ બારીયા ઉ.વ.૩૭ તા.23/09/2023ના રોજ બપોરના આશરે એક વાગ્યે પોતાના ઘરેથી રાજપીપલા ખાતે પાસપોર્ટ કઢાવવા માટે જાઉ છું તેમ કહી ફોર્ચ્યુનર ફોર વ્હિલ ગાડી નં-GJ-22-P-5454 લઈને નીકળી પાછો નહીં ફરતા પરિવારજનો ચિંતામાં પડી ગયા હતા અને આ યુવકનો મોબાઈલ પણ બંધ આવતો હતો.
યુવકના પિતાએ તેના ગુમ થવા અંગે રાજપીપળા પોલીસ મથકમાં જાણ કરી હતી. આ ગુમ થયા અંગેની પોલીસ તપાસ ચલાવી રહી છે અને આ યુવાનનો મોબાઇલ લોકેશન ટ્રેક કરી તેની શોધખોળ હાથ ધરી છે. 
