(રીઝવાન આંબલીયા)

JAHN સ્ટુડિયોના બેનર હેઠળ બનેલ ફિલ્મ “ધ ગ્રેટ ગુજરાતી મેટ્રિમોની” તેની રિલીઝ ડેટ એનાઉન્સમેન્ટ સાથે જ  જોરશોરથી ચર્ચામાં રહી છે.

અમદાવાદ,તા.૦૯ 

ફિલ્મ “ધ ગ્રેટ ગુજરાતી મેટ્રિમોની” 22મી નવેમ્બરે રિલીઝ થઈ રહી છે, ત્યારે ફિલ્મનું ધમાકેદાર ટ્રેલર અને મ્યુઝિક અમદાવાદમાં પીવીઆર ખાતે લોન્ચ કરવામાં આવ્યું હતું. જેમાં ફિલ્મ ઇન્ડસ્ટ્રીઝની ઘણી જાણીતી હસ્તીઓ ઉપસ્થિત રહી હતી. સાથે સ્ટાર કાસ્ટ, મિત્ર ગઢવી અને સિદ્ધિ ઇદનાનીની મુખ્ય ભૂમિકા દર્શાવતી આ ફિલ્મના ટ્રેલર પરથી સ્પષ્ટ થાય છે કે, ફિલ્મ કંઈક અલગ સ્ટોરી લાઈન લઈને આવી રહી છે.

દિવ્યેશ દોશી અને જગત ગાંધી દ્વારા પ્રોડયુસ કરવામાં આવેલ આ ફિલ્મના ડિરેક્ટર પ્રીત છે જેઓ અગાઉ વેનીલા આઇસક્રીમ જેવી હિટ ફિલ્મ આપી ચૂકેલા છે. ફિલ્મના કો-પ્રોડ્યુસર અનુભવી મનોજ આહીર છે. સ્ટોરીટેલ ફિલ્મસના સહયોગથી આ ફિલ્મનું નિર્માણ કરેલ છે. મિત્ર ગઢવી અને સિદ્ધિ ઇદનાની ઉપરાંત આ ફિલ્મમાં હિતેન કુમાર, દેવર્ષી શાહ, સુચિતા ત્રિવેદી, તત્સત મુન્શી, જ્હાન્વી ગુરનાની, છાયા વોરા, પ્રશાંત બારોટ, ચૌલા દોશી સહિતના અનેક પ્રતિભાશાળી કલાકારોએ પોતાના અભિનયના ઓજસ આ ફિલ્મમાં પાથર્યા છે.

ફિલ્મની વાર્તા જ્હાન્વી ચોપડા દ્વારા લિખિત છે અને સિદ્ધાર્થ અમિત ભાવસારનું અત્યંત સુંદર મ્યુઝિક આ ફિલ્મમાં ચાર ચાંદ લગાવે છે. બોલિવૂડ ફિલ્મોમાં બીજીએમ મ્યુઝિક આપનાર અમર મોઈલે દ્વારા આ ફિલ્મને વધુ મ્યુઝિકલ બનાવાઈ છે.

Film Review (Jayesh Vora)

“ધ ગ્રેટ ગુજરાતી મેટ્રિમોની”

આ ફિલ્મમાં પ્રેમ, સામાજિક તફાવતો અને ગુજરાતી પરંપરાઓને અંતર્ગત પોતાની જાતને શોધતા ત્રણ પાત્રોની જર્નીની વાત છે. ઇતિશ્રી, એક થિયેટર એક્ટ્રેસ તેના પિતાની અપેક્ષાઓ અને સામાજિક નિયમો સાથે સંઘર્ષ કરે છે અને મેટ્રીમોની કંપની દ્વારા તેનો સંપર્ક યુ.કે.ના બેંકર વેદ સાથે થાય છે, રાઘવ મેટ્રીમોની કંપનીના ઓનર છે અને ઇતિશ્રીના પ્રેમમાં પડે છે અને આ વાતથી અજાણ જ્યારે ઇતિ અને વેદની સગાઈની તૈયારીઓને મધ્યાંતર, વાર્તાને નવો જ વળાંક આપતા અમુક છુપાયેલા રહસ્યો બહાર આવે છે. આ સાથે જ રુસ્તમ કાકા, ઈરાની કાફેના માલિક અને શાલિની એક શાસ્ત્રીય નૃત્ય શિક્ષિકાની વાત વાર્તામાં ગહનતા અને નવો દૃષ્ટિકોણ ઉમેરે છે. જે પ્રેમની નવી પરિભાષા સમજાવે છે. અંતે, ઇતિશ્રીની જર્ની હૃદયસ્પર્શી પુનર્મિલન તરફ દોરી જાય છે, જેમાં સાચા પ્રેમ અને વ્યક્તિગત વિકાસનો અનોખો સંગમ જોવા મળે છે.

ટૂંકમાં કહીએ તો ગુજરાતી સંસ્કૃતિની વાઇબ્રન્ટ પૃષ્ઠભૂમિ પર આધારિત, “ધ ગ્રેટ ગુજરાતી મેટ્રિમોની”એ રોમેન્ટિક ડ્રામા છે, જે ઇતિશ્રી, એક મહત્વાકાંક્ષી અભિનેત્રી ખુશખુશાલ મેટ્રિમોની એજન્સીના માલિક રાઘવ અને યુ.કે.ના ઇન્વેસ્ટમેન્ટ બેંકર વેદના જીવનને એક સાથે વણે છે, જેમાં તેઓ પ્રેમ, સાંસ્કૃતિક સંઘર્ષો અને વ્યક્તિગત વિકાસને નેવિગેટ કરે છે.

જાહ્ન (JAHN) સ્ટૂડિયોનું ધ્યેય છે કે, ગુજરાતી કલ્ચર અને ગુજરાતની વાર્તાઓને નવા અભિગમમાં રજૂ કરીએ જેથી આવનારી પેઢીઓ સુધી આપણી ભાષા અને ટ્રેડિશન જળવાઈ રહે. ફિલ્મના ટ્રેલરને જોતાં, ફિલ્મની પ્રોડક્શન વેલ્યુ ઘણી વધારે માલૂમ પડી રહી છે. સિનેમેટ્રોગ્રાફી, કોસ્ચ્યુમ્સ, એસ્થેટિક્સ, બેકગ્રાઉન્ડ મ્યુઝિક અને ચોઈસ ઓફ લોકેશન્સ દરેક ફ્રેમને ગ્રાન્ડ બનાવે છે.

ટ્રેલર જોયા પછી ઇન્તેઝારી વધી જશે… તો 22મી નવેમ્બરે તમારા નજીકના અને દૂરના સિનેમાઘરોમાં આવી જજો, ફિલ્મ નિહાળવા..!