સ્પીકર અને મહિલા સાંસદ વચ્ચેની આ ફની વાતચીતનો વીડિયો સોશિયલ મીડિયા પ્લેટફોર્મ ટિ્વટર પર @Bitt2DA નામની આઈડી સાથે શેર કરવામાં આવ્યો છે
ઇસ્લામાબાદ,તા.૦૨
પાકિસ્તાન સાથે જાેડાયેલા તમામ પ્રકારના વીડિયો સોશિયલ મીડિયા પર વાયરલ થતા રહે છે. તેમાંથી ઘણા વીડિયો એવા છે કે, જે લોકોને ખુશ કરે છે, જ્યારે ઘણા વીડિયો લોકોમાં ગુસ્સો પણ ભરી દે છે. હાલમાં પાકિસ્તાની સંસદનો એક વીડિયો ઝડપથી વાયરલ થઈ રહ્યો છે, જે ખૂબ જ ફની છે.
આ વીડિયોમાં પાકિસ્તાનની સંસદના સ્પીકર અને એક મહિલા સાંસદ વચ્ચે વાતચીત થઈ રહી છે. તેમણે સંસદની અંદર એવી વાતો કરી છે કે, લોકો કહેવા લાગ્યા છે કે, પાકિસ્તાની સંસદનું વાતાવરણ રોમેન્ટિક થઈ ગયું છે. આ મહિલા સાંસદનું નામ જરતાજ ગુલ હોવાનું કહેવાય છે, જે ઈમરાન ખાનની કેબિનેટમાં મંત્રી રહી ચૂકી છે. ગૃહની કાર્યવાહી દરમિયાન, તેણીએ સ્પીકરને કહ્યું, ‘સ્પીકર સાહેબ, હું તમારું ધ્યાન દોરવા માંગું છું’. જેના જવાબમાં સ્પીકરે કહ્યું, ‘હા કૃપા કરીને’. આ પછી મહિલા સાંસદે કહ્યું કે, ‘મારા નેતાએ મને આંખોમાં આખો નાખીને વાત કરવાનું શીખવ્યું છે. સર, જાે મારી સાથે આંખનો કોન્ટેક ન થાય તો હું વાત કરી શકતી નથી. આના પર સ્પીકરે કહ્યું કે, ‘હું સાંભળીશ, પણ જાેઈશ નહીં. સ્ત્રી સાથે આંખનો સંપર્ક સારો નથી લાગતો. હું કોઈ સ્ત્રીની આંખમાં આંખ નાખીને જાેતો નથી.’ સ્પીકરના આ નિવેદન પર આખું ગૃહ હસવા લાગ્યું અને મહિલા સાંસદ પણ હસવા લાગ્યા હતા.
સ્પીકર અને મહિલા સાંસદ વચ્ચેની આ ફની વાતચીતનો વીડિયો સોશિયલ મીડિયા પ્લેટફોર્મ ટિ્વટર પર @Bitt2DA નામની આઈડી સાથે શેર કરવામાં આવ્યો છે અને કેપ્શનમાં લખ્યું છે કે, ‘પાકિસ્તાનની સંસદમાં રોમેન્ટિક વાતાવરણ છે’. માત્ર ૩૦ સેકન્ડના આ વીડિયોને અત્યાર સુધીમાં ૧ લાખ ૩૯ હજારથી વધુ વખત જાેવામાં આવ્યો છે, જ્યારે હજારો લોકોએ આ વીડિયોને લાઈક પણ કર્યો છે. તે જ સમયે, વીડિયો જાેયા પછી, લોકોએ વિવિધ પ્રકારની પ્રતિક્રિયાઓ આપી છે. એક યુઝરે રમૂજી રીતે લખ્યું છે કે, ‘સ્પીકર સાહેબ સજ્જન જેવા લાગે છે. તે સારું છે કે, થરૂર સર હાજર ન હતા’, જ્યારે અન્ય એક યુઝરે લખ્યું છે કે, ‘સંસદનું વાતાવરણ એકદમ શાયરાના છે. તેથી જ દેશની આ હાલત છે.
(જી.એન.એસ)
