ડૉક્ટરને ભગવાનનું સ્વરુપ માનવામાં આવે જ છે. પરંતુ જ્યારથી કોરોનાએ દેખા દીધી ત્યારથી આ સાર્થક બન્યું છે. ડૉક્ટર્સે ભગવાન બની પોતાના જીવ જોખમમાં મુકીને લોકોના જીવ બચાવ્યાં છે. આ જે ડોક્ટર દિવસ પર તેમને સન્માન આપવા આપણે કોરોના દરમિયાન નિયમોનું પાલન કરીયે.
ભારતીય તબીબ ડૉ.બિધનચંદ્ર રાયનો જન્મ અને નિર્વાણ દિવસ 1 જુલાઈ ને ` ડૉક્ટર ડે` તરીકે ઉજવવામાં આવે છે. જાણીતા ચિકિત્સક સ્વાતંત્ર્ય સેનાની, સફળ રાજકારણી, સમાજસેવક અને પશ્ચિમ બંગાળના મુખ્યપ્રધાન રહી ચુકેલા અને ભારતરત્ન ડૉ બિધાનચંદ્ર રાય મુખ્ય પ્રધાન હોવા છતાં દર્દીઓને દરરોજ વિના મૂલ્યે તપાસ કરી આપતા હતાં. આ સેવાને કારણે આ દિવસ તેમને સમર્પિત હતો. છેલ્લા ઘણા મહિનાઓથી આપણે ડૉક્ટરોની આવી સેવા અને સમર્પણ જોઇ રહ્યા છીએ. આવી સ્થિતિમાં તેમના માટે સમાજ દ્વારા આભાર માનવાનો દિવસ છે.
છેલ્લા 18 મહિનાથી વિશ્વના 200થી વધુ દેશોમાં કોરોના વાયરસનો કહેર મચ્યો છે. અત્યાર સુધીમાં વિશ્વભરમાં 180 મિલિયન લોકોને કોરોનાનો ચેપ લાગ્યો છે. ભારતમાં કોરોના સંક્રમિતોની સંખ્યા લગભગ 3 કરોડને પાર સુધી પહોંચી ગઈ છે. કોરોના હજી પણ તેના નવા સ્વરૂપો સાથે ફેલાઈ રહ્યો છે. પરંતુ આપણા ડૉકટરોની હિંમત અને સહકાર છે, તેઓ હજી પણ નિ:સ્વાર્થપણે આપણા જીવનની સેવા માટે રોકાયેલા છે. તેમના જીવન અને કુટુંબને એક બાજુ મુકીને તે દરેક અને દરેક જીવનને બચાવવા માટે સતત પ્રયાસ કરી રહ્યા છે. અત્યારે કોરોના સંક્રમણની ત્રીજી લહેરની આશંકા સેવાઈ રહી છે. તેથી તબીબી કાર્યકરો પ્રત્યેની જવાબદારી નિભાવતી વખતે આપણે સલામતીના તમામ નિયમોનું કડક પાલન કરવું જરૂરી છે.
કોવિડ -19ની સારવારમાં રોકાયેલા તબીબોને સામાન્ય લોકો કરતા સંક્રમણનું જોખમ અનેકગણું વધારે છે. કુટુંબમાં કોઈ પણ વ્યક્તિ કોરોનાથી સંક્રમિત થાય એટલે તેને આઈસોલેટ કરવામાં આવે છે, જયાં પણ તબીબો જ તેની સાર સંભાળ રાખે છે. સંક્રમણ ફેલાવવાનો ભય રાખ્યા વગર ડૉક્ટર દર્દીની સારવાર કરે છે. આ દરમિયાન તે કોરોનાના તમામ નિયમોનું પાલન કરે છે, પરિવારથી દૂર રહે છે, બધી અસુવિધાઓ છતાં સતત પીપીઈ કિટ પહેરી પોતાની ફરજ બજાવે છે. ડૉક્ટરોમાં કોરોનાનું સંક્રમણ ફેલાવાનું જોખમ વધારે હોય છે.
ડૉકટરો, તબીબી કાર્યકરો, પોલીસકર્મીઓ, સફાઇ કામદારો અને અન્ય લોકો જેમણે આ મહામારી દરમિયાન નિષ્ઠાપૂર્વક સેવા કરી છે. તેમણે આ મહામારી દરમિયાન વિશ્વાસપૂર્વક તેમની આવશ્યક સેવાઓ આપી છે. વડા પ્રધાન નરેન્દ્ર મોદીએ તેમને કોરોના વોરિયર્સ તરીકે ઓળખાવ્યા અને ખુલ્લા હૃદયથી તેમની પ્રશંસા કરી રહ્યા છે. આ કોરોના યોદ્ધાઓને ચેપ લાગવાનું જોખમ એટલું ઉંચું છે કે આપણે કોરોનાના પ્રથમ અને બીજા વેવમાં 1,372 ડોકટરો ગુમાવ્યા છે. તેમ છતાં તમામ તબીબી કાર્યકરો સતત કોરોના રોગચાળા સામે લડત લડી રહ્યા છે. ભારતીય મેડિકલ એસોસિએશન દ્વારા સરકાર પાસેથી આ તમામ તબીબોને `શહીદ` નો દરજ્જો આપવા માંગ કરવામાં આવી છે. આ તેમના માટે સૌથી મોટું સન્માન હશે. સાથે સાથે જ્યારે બધા નાગરિકો સુરક્ષાના તમામ નિયમોનું કડક પાલન કરશે, તો તે આપણી તરફથી તેમની સાચી શ્રદ્ધાંજલિ હશે.
ડૉક્ટરોએ કોવિડથી બચાવના નિયમોનું સખત રીતે પાલન કરવા માટે પ્રથમ લહેરની શરૂઆતથી જ સામાન્ય લોકોને સમજાવવાનું શરૂ કર્યું હતું. નિ:સ્વાર્થ ભાવના સાથે ડૉકટરો તેમના જીવનની કોઈ પરવા કર્યા વિના દિવસ-રાત દર્દીઓની સેવા કરવામાં રોકાયેલા છે. સામાન્ય લોકોએ તેમને જોઈને શીખવું જોઈએ અને તેમનો આદર કરવો જોઈએ. આપણે ધ્યાનમાં રાખવું જોઈએ કે ચિકિત્સકો તેમની શ્રેષ્ઠ કામગીરી કરી રહ્યા છે. આવી સ્થિતિમાં કોઈ પણ અનિચ્છનીય ઘટના બનવા પર, વ્યક્તિએ તેમની સાથે ગેરવર્તન ન કરવું જોઈએ. માત્ર આશા જ નહીં, પૂરો વિશ્વાસ છે કે ભારત કોરોનાની આ લડાઇ ચોક્કસપણે જીતશે અને કોરોના બહાને જ તેના આરોગ્ય માળખાને મજબૂત બનાવાશે. હકીકતમાં ડૉક્ટર ડે પર સામાન્ય લોકો વતી ડૉકટરો માટે આ સૌથી મોટુ સન્માન છે કે લોકોએ કોરોનાને રોકવા માટેના તમામ ઉપાયોને નિષ્ઠાપૂર્વક અપનાવવા જોઈએ અને કોરોના સામેની લડતમાં સહભાગી બનવું જોઈએ.
