અમદાવાદ,તા.૧૩
શહેરના સરખેજ વિસ્તારમાં આવેલ સુપ્રસિદ્ધ સુફી સંત અને અહમદાબાદની સ્થાપનામાં રૂહાની ફાળો આપનાર ચાર અહેમદ ઉપરાંત ૧૨ બાવાઓ પૈકીના એક બાવા “હઝરત ખ્વાજા શેર અલી બાબા” (રેહ્મતુલ્લાહ અલૈહ)ના ૬૦૯માં ઉર્ષની અકીદત પૂર્વક ઉજવણી કરવામાં આવી હતી.
આ પ્રસંગે રાયખડના સામાજિક કાર્યકર બુરહાનુદ્દીન કાદરી દ્વારા મજાર શરીફ પર ગલેફ અને ફૂલની ચાદર પેશ કરવામાં આવી હતી. આ પ્રસંગે ફારૂકબાવા, સલીમ બાપુ, બાબાભાઈ, મુહમ્મદભાઈ, પરવેઝભાઈ, સમીર બાપુ, સલાઉદ્દીન બાપુ, રફિકભાઈ, અતારભાઈ, ફરાજભાઈ, ઇનાયત ભાઈ સહિતના ખાદિમ પરિવારના સભ્યો અને અકિદતમંદો મોટી સંખ્યામાં ઉપસ્થિત રહ્યા હતા.
