(Abrar Ahmed Alvi)
અમદાવાદ શહેર અને જિલ્લાના તમામ પરીક્ષા સ્થળો પર CCTV કેમેરા દ્વારા મોનિટરીંગ
૨૭ ફેબ્રુઆરીથી રાજ્યમાં બોર્ડની પરીક્ષા લેવામાં આવશે જેમાં અમદાવાદ શહેરમાં ૯૨,૧૯૫ અને ગ્રામ્ય જિલ્લામાં ૭૩,૨૬૦ વિદ્યાર્થીઓ આપશે ધોરણ ૧૦ અને ૧૨ની બોર્ડ પરીક્ષા.
શહેર અને ગ્રામ્ય શિક્ષણાધિકારીની કચેરી દ્વારા શાંતિપૂર્ણ માહોલમાં પરીક્ષા સંપન્ન થાય એ બાબતે સંપૂર્ણ તૈયારીઓ સુનિશ્ચિત કરાઈ છે. અમદાવાદ શહેરમાં ૧૩૦ અને જિલ્લામાં ૫૨ દિવ્યાંગ પરીક્ષાર્થીઓ માટે લહિયાની વ્યવસ્થા કરાઈ છે. સાબરમતી મધ્યસ્થ જેલના ૨૧ કેદીઓ ધોરણ ૧૦ની અને ૪૪ કેદીઓ ધોરણ ૧૨ની પરીક્ષા આપશે.
