દુષ્ટ પિતા છેલ્લા ત્રણ વર્ષથી તેમની સાથે ગંદું કામ કરી રહ્યો હતો.

જાનવર પિતાના આ કૃત્ય અંગે એક NGOએ પોલીસને જાણ કરી, ત્યાર બાદ તે પોલીસના હાથે ઝડપાઈ ગયો.

બિહાર,તા.૧૬
બિહારમાં સંબંધોને શરમજનક બનાવી દેતો એક કિસ્સો પ્રકાશમાં આવ્યો છે. અહીં એક પિતા પોતાની સગીર દીકરીઓ પર સતત ત્રણ વર્ષથી રેપ કરી રહ્યો હતો. જ્યારે તેની પત્નીએ તેનો વિરોધ કર્યો તો તેણે તેને માર માર્યો અને ઘરની બહાર કાઢી મૂકી.

પિતાના દુષ્કર્મ પછી જ્યારે પુત્રી ગર્ભવતી થઈ અને તેણે એક બાળકીને જન્મ આપ્યો, ત્યારે પાપી પિતાએ તે બાળકીને કોઈને વેચી દીધી. નવાઈની વાત તો એ છે કે, જ્યારે યુવતીના પિતરાઈ ભાઈને આ વાતની જાણ થઈ તો તેણે યુવતીઓને જાનવરથી બચાવવાને બદલે અન્ય યુવતી સાથે ગંદું કામ પણ કર્યું. જાનવર પિતાના આ કૃત્ય અંગે એક NGOએ પોલીસને જાણ કરી, ત્યાર બાદ તે પોલીસના હાથે ઝડપાઈ ગયો.

આ મામલો બિહારના બાંકા જિલ્લાના રાજૌન બ્લોકનો છે. પોલીસે સોમવારે સાંજે આરોપીની ધરપકડ કરી હતી. બંને યુવતીઓ રાજૌન પોલીસ સ્ટેશનની કસ્ટડીમાં છે. કૈલાશ સત્યાર્થી ચિલ્ડ્રન ફાઉન્ડેશનની સહયોગી સંસ્થા મુક્તિ નિકેતનને કોઈએ પાપી પિતાના આ અધમ કૃત્ય અંગે ગુપ્ત માહિતી આપી હતી કે, એક પિતા તેની પુત્રીઓ સાથે ગંદું કૃત્ય કરી રહ્યો છે. ત્યારબાદ સંસ્થાના સંયોજક મનોજ કુમારે બાંકાના હેડક્વાર્ટર ડીએસપી વિનોદ કુમારને આની જાણ કરી હતી. આ સાથે તેમણે જિલ્લા બાળ સુરક્ષા એકમના સહાયક નિયામક અભય કુમાર સિંહને પણ આ માહિતી આપી હતી.

સંસ્થા તરફથી માહિતી મળ્યા બાદ પોલીસે કાર્યવાહી કરી આરોપીની ધરપકડ કરી હતી. બંને પીડિતોની ઉંમર ૧૬થી ૧૭ વર્ષની આસપાસ હોવાનું કહેવાય છે. કહેવામાં આવી રહ્યું છે કે, દુષ્ટ પિતા છેલ્લા ત્રણ વર્ષથી તેમની સાથે ગંદું કામ કરી રહ્યો હતો. આ ઘટના અંગે યુવતીઓએ પોલીસને જણાવ્યું કે, તેમના પિતા છેલ્લા ત્રણ વર્ષથી તેમની સાથે આ ગંદું કામ કરી રહ્યા છે. જ્યારે તેઓ વિરોધ કરે ત્યારે તે તેમને માર પણ મારતો હતો. જ્યારે તેની માતાએ તેના પિતાના આ ગંદા કામનો વિરોધ કર્યો તો તેણે તેમને પણ માર માર્યો અને તેને ઘરેથી ભગાડી દીધી. પિતાના પાપની નિશાની તરીકે મોટી પુત્રીએ હોસ્પિટલમાં બાળકીને જન્મ આપ્યો ત્યારે પિતાએ છોકરીને આશા વર્કરને વેચી દીધી.

(જી.એન.એસ)