એપલ બગ બાઉન્ટી પ્રોગ્રામ હેઠળ એક ભારતીય છોકરાને લગભગ 5.6 લાખ રૂપિયાનું ઈનામ મળ્યું છે. એપલે બગ શોધવા માટે આ ઈનામ આપ્યું છે.
આ માહિતી મેળવનાર આશિષ ધોણેએ LinkedIn પર આ માહિતી આપી છે. તેણે જણાવ્યું કે એપલે તેને મેઈલ મોકલીને આ ઈનામ વિશે જણાવ્યું છે. આવો જાણીએ સમગ્ર મામલો.
તમે બગ બાઉન્ટી પ્રોગ્રામનું નામ તો સાંભળ્યું જ હશે. આ પ્રોગ્રામ હેઠળ, તમામ ટેક કંપનીઓ જ્યારે લોકોને તેમની પ્રોડક્ટમાં પ્રોબ્લેમ જણાવે છે ત્યારે તેમને પૈસા આપે છે. આવો જ એક બગ આશિષ ઢોણે શોધી કાઢ્યો છે. Appleએ આશિષને ઈનામમાં $7000 એટલે કે લગભગ 5,58,890 રૂપિયા આપ્યા છે. એપલે બ્લાઈન્ડ એક્સએસએસ શોધવા બદલ આશિષને આ ઈનામ આપ્યું છે.
આશિષે જણાવ્યું કે અગાઉ તેણે એપલ ટીચર લર્નિંગ સેન્ટરનું પોર્ટલ હેક કર્યું હતું. બાદમાં એપલે ચોક્કસપણે આ પોર્ટલમાં ફેરફાર કર્યા અને તે પછી પણ તેઓએ પોર્ટલ હેક કર્યું. આશિષે એપલને આ ખામી વિશે જાણકારી આપી, જેના પછી કંપનીએ તેને ઈનામ આપ્યું.
LinkedIn પર વિગતો શેર
આશિષની LinkedIn પ્રોફાઇલ અનુસાર, તેનું નામ વિશ્વના ટોપ 120 ગૂગલ હેકર્સની યાદીમાં સામેલ છે. તેને વર્ષ 2021માં બેસ્ટ બગ હન્ટરનો ખિતાબ પણ મળ્યો છે. તેની LinkedIn પોસ્ટની સાથે આશિષે Appleના મેઇલનો સ્ક્રીન શૉટ પણ ઉમેર્યો છે, જેમાં તેને બગની જાણ કરવા બદલ પુરસ્કાર આપવામાં આવે છે.
એપલ દ્વારા મોકલવામાં આવેલા ઈ-મેઈલમાં જણાવવામાં આવ્યું છે કે તમારો મોકલવામાં આવેલ રિપોર્ટ એપલ સિક્યુરિટી બાઉન્ટી માટે ક્વોલિફાઈડ છે. Apple તમને ઈનામ તરીકે 7 હજાર ડોલર આપી રહ્યું છે. આ પહેલીવાર નથી કે જ્યારે કોઈ વ્યક્તિને બગ બાઉન્ટી માટે પૈસા મળ્યા હોય.
વોટ્સએપમાં ખામીની જાણ કરતા પણ મળ્યું ઇનામ
તાજેતરમાં મેટાએ જયપુરની મોનિકા અગ્રવાલને વોટ્સએપમાં બગ શોધવા બદલ ઇનામ આપ્યું હતું. વાસ્તવમાં, વોટ્સએપમાં એક ખામી હતી, જેના કારણે છેલ્લો સીન તે લોકોને પણ દેખાતો હતો જેઓને યુઝર્સની યાદીમાંથી બહાર રાખવામાં આવ્યા હતા.
મોનિકાએ આ માહિતી મેટાને આપી અને કંપનીને તેની માહિતી સાચી લાગી. આ પછી કંપનીએ તેને $1500 જે લગભગ 1.2 લાખ રૂપિયા નું ઈનામ આપ્યું.
