કેરળની મહિલા તેની મૂછોને લઈને ચર્ચામાં આવી રહી છે
કેરળ, તા.૨૫
શાયઝા મૂળ કેરળના કન્નુર જિલ્લાની છે. પુરુષોની જેમ તેને પણ મૂછ છે. આ મૂછને કારણે તેના સંબંધીઓ અને પડોશીઓ પણ તેની મજાક ઉડાવતા હતા. પરંતુ શાયઝાના પતિ અને બાળકોએ તેને સાથ આપ્યો. શાયઝા કહે છે, તેને મૂછો રાખવી ખૂબ જ ગમે છે અને તેને હટાવવાની જરૂર ક્યારેય નથી લાગી. આટલું જ નહીં, શાયઝા કહે છે કે તેને તેની વધતી જતી મૂછો પર ગર્વ છે. શાયઝા કહે છે કે દુનિયા મારા વિશે શું વિચારે છે તેની મને ચિંતા નથી. પણ હવે હું મૂછ વગર રહી શકતી નથી. શાયઝાને તેની મૂછો એટલી પસંદ છે કે તેને કોરોના રોગચાળા દરમિયાન માસ્ક પહેરવાનું પસંદ નહોતું. કારણ કે તે તેનો ચહેરો ઢાંકતી ન હતી.
શાયઝાએ છેલ્લા દસ વર્ષમાં ઘણા ઓપરેશન કરાયા છે. અનેક સ્વાસ્થ્ય સમસ્યાઓ પર કાબૂ મેળવ્યા બાદ શાયઝા એટલી મજબૂત બની ગઈ છે કે તેને હવે કોઈની પરવા નથી. શાઈઝા માને છે કે આપણે એવું જીવન જીવવું જાેઈએ જે આપણને સુખ આપે. શાયઝા કહે છે કે, છેલ્લા પાંચ વર્ષમાં ઉપરના હોઠ પરના વાળ ઘટ્ટ થવા લાગ્યા છે. સમય જતાં, તેઓ મૂછો જેવા દેખાવા લાગ્યા. હું આ પરિવર્તનથી ખૂબ જ ખુશ છું. તેથી મેં મારા હોઠ પર મૂછ ઉગાડવાનું નક્કી કર્યું. ઘણા લોકોએ મને મારી મૂછો દૂર કરવાની સલાહ આપી. પરંતુ, મને મારી મૂછો પર ગર્વ છે, હું તેને દૂર કરવાની નથી, હું તેને ઉગાડવાની છું.
શાયઝા આજકાલ સોશિયલ મીડિયા પર ચર્ચાનો વિષય બની છે. તેણે પોતાની ઘણી તસવીરો સોશિયલ મીડિયા પર શેર કરી છે. મહિલાઓને હંમેશા કહેવામાં આવે છે કે ચહેરાના વાળ ન રાખો અને જાે આવું થાય તો તેને કાઢી નાખવા જાેઈએ. પરંતુ કેરળની એક મહિલા શાઈઝા ગર્વથી તેની મૂછો પર હાથ ફેરવે છે. શાયઝા આ દિવસોમાં પોતાની મૂછોને કારણે ચર્ચામાં છે.
