મુંબઇ,તા.૧૭
બીએસએનએલ માત્ર 4G પર જ ધ્યાન આપી રહ્યું નથી, પરંતુ હવે 5G સેવા શરૂ કરવાની પણ તૈયારી કરી રહ્યું છે.
BSNLએ પોતાના ગ્રાહકો માટે ઘણા નવા રિચાર્જ પ્લાન શરૂ કર્યા છે, જેમાં લાંબી વેલિડિટી, અનલિમિટેડ કોલિંગ અને સસ્તા ડેટા પેક જેવા ફાયદાઓ મળે છે. ઘણા લોકોએ પ્રાઈવેટ કંપનીઓના મોંઘા રિચાર્જ પ્લાનના કારણે જુલાઈમાં બીએસએનએલનું સિમકાર્ડ લઈ લીધું હતું.
સરકારની આ ટેલીકોમ કંપનીએ આખા દેશમાં 4G સેવા શરૂ કરવાની તૈયારી કરી લીધી છે અને ઘણા રાજ્યોમાં 4G પહેલાથી ચાલી રહ્યું છે. BSNLમાં ઘણા સસ્તા રિચાર્જ પ્લાન છે જેમાં અનલિમિટેડ કોલિંગ અને એસએમએસની સાથે ડેટા પણ મળે છે. તેમાંથી એક ખાસ પ્લાન છે ૯૯૭ રૂપિયાવાળો, જેમાં તમને ૧૬૦ દિવસ સુધીની વેલિડિટી અને કુલ 320GB ડેટા મળે છે. આ પ્લાનમાં રોજનું 2GB હાઈ સ્પીડ ડેટા અને ૧૦૦ ફ્રી એસએમએસ મળે છે, તેના સિવાય, તમે કોઈ પણ નેટવર્ક પર ફ્રી અનલિમિટેડ કોલિંગ અને આખા દેશમાં ફ્રી રોમિંગનો ફાયદો ઉઠાવી શકો છો. આ પ્લાનમાં હાર્ડી ગેમ્સ, જિંગ મ્યૂઝિક અને BSNL ટ્યૂન્સ જેવી ઘણી સારી સુવિધાઓ પણ મળે છે. બીએસએનએલ માત્ર 4G પર જ ધ્યાન આપી રહ્યું નથી, પરંતુ હવે 5G સેવા શરૂ કરવાની પણ તૈયારી કરી રહ્યું છે.
સરકારી ટેલીકોમ કંપનીએ 4G સેવા માટે તમામ ટેલીકોમ વિસ્તારોમાં ઘણા નવા મોબાઈલ ટાવર લગાવ્યા છે અને 5G નેટવર્કનું પરીક્ષણ શરૂ કરી દીધું છે. આશા છે કે, બીએસએનએલ આવનાર મહીનાઓમાં 5G સેવા પણ શરૂ કરી દેશે. તેના સિવાય, દિલ્હી અને મુંબઈમાં MTNLના ગ્રાહકોને જલ્દીથી 4Gની સેવા મળી જશે કારણ કે, MTNLએ બીએસએનએલના 4G ઈન્ફ્રાસ્ટ્રક્ચરનો ઉપયોગ કરવાની યોજના બનાવી છે. બુધવારે (૧૪ ઓગસ્ટ, ૨૦૨૪) મળેલી બોર્ડ મીટિંગમાં આ જાહેરાત કરવામાં આવી. ૧૦ વર્ષના સેવા કરારમાં ઓછામાં ઓછા ૬ મહિનાની નોટિસ સાથે પરસ્પર રદ કરવાની જાેગવાઈ છે. આ ભાગીદારીથી દેશના મૂડી અને આર્થિક કેન્દ્રમાં મોટા પાયે ગ્રાહકોને સીધો ફાયદો થવાની અપેક્ષા છે.
(જી.એન.એસ)
