તૃણમૂલ કોંગ્રેસના ઉમેદવાર યુસુફ પઠાણે કોંગ્રેસના દિગ્ગજ નેતા અધીર રંજન ચૌધરીને હરાવ્યા

કોલકાતા, તા. ૦૬
લોકસભા ચૂંટણીના પરિણામ એક્ઝિટ પોળથી વિપરીત અને ચોંકાવનારા આવ્યા છે ત્યારે યુસુફ પઠાણ જેમણે લોકસભા ચૂંટણીમાં શાનદાર જીત નોંધાવી છે. તૃણમૂલ કોંગ્રેસના ઉમેદવાર યુસુફ પઠાણે પશ્ચિમ બંગાળના બરહમપુરથી લોકસભા ચૂંટણી લડી હતી અને કોંગ્રેસના દિગ્ગજ નેતા અધીર રંજન ચૌધરીને હરાવ્યા હતા. અધીર રંજન ચૌધરી ૨૫ વર્ષ પછી ચૂંટણી હાર્યા છે અને યુસુફ પઠાણે આ કારનામું કર્યું છે.

યુસુફ પઠાણની આ જીત બાદ તેના ચાહકોમાં ખુશીની લહેર છે અને તેમના નાના ભાઈ ઈરફાન પઠાણની ખુશીની કોઈ સીમા નથી. યુસુફ પઠાણની રાજકીય કારકિર્દીની આ પ્રથમ જીત છે પરંતુ આ પહેલા તેણે રમતગમતના મેદાનમાં ઘણી મોટી જીત હાંસલ કરી છે. મોટા ભાઈની જીત બાદ ઈરફાન ઈમોશનલ થઈ ગયો હતો અને તેણે સોશિયલ મીડિયા પર યુસુફ માટે ખાસ મેસેજ પોસ્ટ કર્યો હતો.

પશ્ચિમ બંગાળના બરહમપુરથી લોકસભા ચુંટણીમાં વિજયી થયા બાદ યુસુફ પઠાણ પણ ખૂબ ખુશ દેખાઈ રહ્યો હતો. તેમણે કહ્યું કે, તેઓ બહરમપુરના લોકોનો આભાર માને છે જેમણે તેમના પર વિશ્વાસ વ્યક્ત કર્યો. તેમણે કહ્યું કે, તેઓ દરેક કાર્યકરની મહેનતથી જીવે છે. યુસુફે કહ્યું કે, રેકોર્ડ બનાવતાની સાથે જ તૂટી જવાના હોય છે અને તે અધીર રંજનનું ખૂબ સન્માન કરે છે. યુસુફે જાહેરાત કરી કે, તે બરહામપુરમાં સ્પોટ્‌‌ર્સ એકેડમી બનાવનાર સૌપ્રથમ બનશે અને ઉદ્યોગો માટે પણ કામ કરશે.

(જી.એન.એસ)