વોશિંગ્ટન,તા.૧૨
સીરિયાની રાજધાની દમાસ્કસમાં થયેલા હુમલા બાદ ઈરાન અને ઈઝરાયેલ સામસામે આવી ગયા છે. ઈરાને સ્પષ્ટપણે કહ્યું છે કે, તે આ માટે ઈઝરાયેલને જડબાતોડ જવાબ આપશે. ઈરાને હવે સંયુક્ત રાષ્ટ્રમાં કહ્યું છે કે, જાે રાજદ્વારી સુવિધાઓના ઉલ્લંઘનના મામલામાં કાર્યવાહી કરવામાં આવી હોત તો કદાચ ઈઝરાયેલને પાઠ ભણાવવાની જરૂર ન પડી હોત.

ઈરાન દ્વારા સંભવિત હુમલાને જાેતા અમેરિકન અને ઈઝરાયેલ એજન્સીઓ એલર્ટ પર છે. ઈન્ટેલિજન્સ એજન્સીઓ પર્સિયન ગલ્ફ અને લાલ સમુદ્રમાં ઈરાની નેવીના બે જહાજાે પર નજર રાખી રહી છે. આ જહાજાે ક્રુઝ મિસાઈલ અને યુએવી લોન્ચ કરવાની ક્ષમતા ધરાવે છે. પ્રાપ્ત માહિતી અનુસાર ઈઝરાયેલ આ જહાજાે દ્વારા ઈરાન સમુદ્રમાંથી હુમલો કરી શકે છે. આ સિવાય આ જહાજાેનો ઉપયોગ ઈઝરાયેલના ઘણા સૈન્ય મથકો અને અન્ય સંસ્થાઓ પર ડ્રોન હુમલા માટે પણ થઈ શકે છે. ઈઝરાયેલના દરિયાકાંઠાના વિસ્તારો હાઈ એલર્ટ પર છે.

આ દરમિયાન, મોટા સમાચાર એ છે કે, ઇઝરાયેલ એરફોર્સના એક F-15 પ્લેનને એરબેઝ પર ઇમરજન્સી લેન્ડિંગ કરવું પડ્યું. આ સમયે પ્લેનના પૈડા ન ખુલ્યા અને દારૂગોળો રનવે પર જ પડ્યો. તેની ચકાસણી કરવામાં આવી રહી છે. તમને જણાવી દઈએ કે, ઈરાનના જાેઈન્ટ ચીફ ઓફ સ્ટાફ જનરલ મોહમ્મદ બાગેરીએ ઈઝરાયેલથી બદલો લેવાની જાહેરાત કરી હતી. કહેવામાં આવી રહ્યું છે કે, ઈરાને હુમલાની સંપૂર્ણ તૈયારી કરી લીધી છે. ઈરાન ઈઝરાયેલ પર ઓક્ટોબર ૭ પ્રકારના હુમલાની રાહ જાેઈ રહ્યું છે.

તાજેતરમાં, ઇરાનમાં આંતરરાષ્ટ્રીય ફ્લાઇટ્‌સ ચલાવતી જર્મન એરલાઇન્સે પણ તેહરાન જતી અને પરત આવતી તમામ ફ્લાઇટ્‌સ રદ કરી દીધી છે. એક મીડિયા રિપોર્ટમાં કહેવામાં આવ્યું છે કે, ઈરાની ન્યૂઝ એજન્સીએ તેના સોશિયલ મીડિયા પ્લેટફોર્મ પર એક રિપોર્ટ જાહેર કર્યો હતો, આ રિપોર્ટમાં લખવામાં આવ્યું હતું કે, તેહરાનના તમામ એરફિલ્ડને મિલિટરી ડ્રિલ માટે બંધ કરી દેવામાં આવ્યા છે, પરંતુ તેના થોડા સમય બાદ એજન્સીએ આ પોસ્ટને હટાવી દીધી છે. જ્યારે આ પોસ્ટ વિશે પ્રશ્નો પૂછવામાં આવ્યા ત્યારે સમાચાર એજન્સીએ આવા કોઈ સમાચાર પોસ્ટ કરવાનો ઇનકાર કર્યો હતો.

પ્રાપ્ત માહિતી અનુસાર, ઈરાને ઈઝરાયેલ પર હુમલો કરવાની સંપૂર્ણ યોજના બનાવી છે અને બ્લુ પ્રિન્ટ તૈયાર કરી છે. આ બ્લુપ્રિન્ટ મુજબ ઈરાન હુમલા પહેલા ઈઝરાયલને ચારે બાજુથી ઘેરવાની યોજના બનાવી રહ્યું છે. ઘેરાબંધી પછી, હમાસ, હુથી, હિઝબુલ્લાહ અને અન્ય ઈરાની પ્રોક્સી સંગઠનો સાથે મળીને ઈઝરાયેલ પર હુમલો કરશે. આ સિવાય તેને ભૂમધ્ય સમુદ્રથી લઈને લાલ સમુદ્ર સુધી ઘેરી લેવામાં આવશે. ઘેરાઈને ઈઝરાયેલના તમામ સૈન્ય ઠેકાણાઓ પર હુમલો કરવાની અને લાલ સમુદ્રમાં ટાસ્ક ફોર્સને બહાર કાઢવાની તૈયારીઓ છે.

(જી.એન.એસ)