હવે ઈલેક્ટ્રિસિટી બિલની નો ટેન્શન ! ઘરની બારી દ્વારા ઉત્પન્ન થશે વીજળી, નવી ટેક્નોલોજીએ આખા વિશ્વને કર્યું અચંબિત
જો ઘરમાં એસી (AC), કુલર (Cooler) કે હીટર (heater) હોય તો સૌથી પહેલી વાત મનમાં આવે છે કે આ વખતે વીજળીનું બિલ (Electricity Bill) વધારે આવશે. દરેક વ્યક્તિને વીજળીના બિલ વધવાનું ટેન્શન છે. પરંતુ હવે એવી ટેક્નોલોજી (Technology) આવી ગઈ છે, જેનાથી વીજળી બિલ (Electricity Bill)નું ટેન્શન ખતમ થઈ જશે. જો આપણે કહીએ કે ઘરની બારી વીજળી ઉત્પન્ન કરશે તો સ્વાભાવિક છે કે તમે તેને મજાક ગણશો અને હસશો. પરંતુ તે સાચું છે. આવો જાણીએ આ ટેક્નોલોજી વિશે…
વીજળીના ઊંચા બિલની સમસ્યાનો એક જ ઉપાય છે અને તે છે સોલાર પાવર. હવે ઘણા ઘરોમાં સોલાર પેનલ લગાવવામાં આવી રહી છે. હવે ઘરોની બારીઓએ તેનું કામ સરળ બનાવી દીધું છે. દરેક ઘરમાં બારીઓ હોય છે અને તે પણ કાચથી ઢંકાયેલી હોય છે. ઉંચી ઇમારતોમાં મોટાભાગની બારીઓ અને કાચનો ઉપયોગ થાય છે. જો તે કાચ વીજળી ઉત્પન્ન કરવા લાગે તો આપણું બધું કામ સરળ થઈ જશે. ઉપરાંત, અમને પાવર સપ્લાય માટે અન્ય સોર્સ મળશે.
ટ્રાન્સપેરન્ટ સોલર વિન્ડો (Transparent Solar Windows)
Transparent Solar Windows એક કટિંગ એજ ટેકનોલોજી છે. આ ટેક્નોલોજીની મદદથી બારી અને બાલ્કનીમાં આવતા સૂર્યપ્રકાશનો ઉપયોગ વીજળી ઉત્પન્ન કરવા માટે કરવામાં આવી રહ્યો છે. પેનલ સ્પેસિફિક UV અને ઇન્ફ્રારેડ લાઇટ્સ વેવલેન્થ્સને શોષી લે છે. આ વેવલેન્થ્સને એનર્જીમાં રૂપાંતરિત કરી શકાય છે અને તેનો ઉપયોગ ડિવાઇસિસ માટે કરી શકાય છે.
ટ્રાન્સપેરેન્ટ ગ્લાસ (Transparent Glass) બન્યુ
આ ટેકનોલોજીને ફોટોવોલ્ટેઇક ગ્લાસ (Photovoltaic Glass) પણ કહેવામાં આવે છે. 2014માં મિશિગન સ્ટેટ યુનિવર્સિટી (Michigan State University)ના રિસર્ચરોએ સૌપ્રથમ ટ્રાન્સપેરેન્ટ સોલર કોન્સેન્ટ્રેટર તૈયાર કર્યું કર્યું હતું. તે કાચની શીટ અથવા વિન્ડોને સંપૂર્ણપણે પીવી સેલ (PV Cell)માં રૂપાંતરિત કરી શકે છે.
