Safeer News

Breaking News from Ahmedabad

Business

PAN Card Loan Fraud: તમારા પાન કાર્ડ પર કોઇએ લોન તો નથી લીધીને, ઓનલાઇન આ રીતે કરો ચેક

પાન કાર્ડ એ જરૂરી દસ્તાવેજ છે. જો કોઈ તમારા પાન કાર્ડનો દુરુપયોગ કરે તો શું? અભિનેતા રાજકુમાર રાવ સાથે જોડાયેલો આવો જ એક કિસ્સો થોડા દિવસો પહેલા સામે આવ્યો હતો

પાન કાર્ડ એ જરૂરી દસ્તાવેજ છે. જો કોઈ તમારા પાન કાર્ડનો દુરુપયોગ કરે તો શું? અભિનેતા રાજકુમાર રાવ સાથે જોડાયેલો આવો જ એક કિસ્સો થોડા દિવસો પહેલા સામે આવ્યો હતો.  અભિનેતાએ જણાવ્યું કે કેવી રીતે તેના પાન કાર્ડનો દુરુપયોગ કરવામાં આવ્યો છે અને ફિનટેક એપ્સની મદદથી વ્યક્તિગત લોન લેવામાં આવી છે. આ મહિનાની શરૂઆતમાં તેણે આ માહિતી આપી હતી. રાજકુમાર રાવે જણાવ્યું કે કેવી રીતે કોઈ વ્યક્તિએ તેના પાન કાર્ડનો ઉપયોગ કરીને 2500 રૂપિયાની લોન લીધી છે, જેના કારણે તેનો CIBIL સ્કોર પ્રભાવિત થયો છે. થોડા દિવસ પહેલા સની લિયોને પણ આવી જ ફરિયાદ નોંધાવી હતી.

આવા મોટા ભાગના કિસ્સાઓમાં, સ્કેમર્સ માલિકની જાણ વગર પાન કાર્ડની મદદથી લોન લે છે. તેથી જો તમારી પાસે પણ પાન કાર્ડ છે, તો તમે આવી જાળમાં ફસાઈ શકો છો. ચાલો જાણીએ કે તમારા પાન કાર્ડનો ખોટો ઉપયોગ થયો છે કે નહી કેવી રીતે ચેક કરી શકો છો.

તમારો CIBIL સ્કોર તપાસો

પ્રથમ અને સૌથી સહેલો રસ્તો છે તમારો CIBIL સ્કોર ચેક કરવાનો. તમે આને વિવિધ ઓનલાઈન પ્લેટફોર્મ CIBIL, Equifax, Experian અથવા CRIF હાઈ માર્ક દ્વારા ચકાસી શકો છો. CIBIL સ્કોર ચેક કરીને તમે જાણી શકો છો કે તમારા નામે કોઈ લોન છે કે નહીં.

Paytm મદદ કરશે

બીજી રીત એ છે કે ફિનટેક પ્લેટફોર્મની મદદ લેવી. એટલે કે, તમે Paytm અથવા પોલિસી બજાર જેવા કોઈપણ પ્લેટફોર્મ પરથી શોધી શકો છો કે તમારા પાન કાર્ડ પર કોઈ લોન છે કે નહીં. આ પ્લેટફોર્મ્સ પર તમને નાણાકીય અહેવાલો તપાસવાનો વિકલ્પ મળે છે. અહીંથી તમે તમારા CIBIL સ્કોર અને લોનની વિગતો સરળતાથી મેળવી શકો છો.

ફોર્મ 26A તપાસો

ત્રીજી રીત ફોર્મ 26A તપાસવાની છે. એટલે કે તમારા પાન કાર્ડ પર કોઈ અન્ય વ્યક્તિએ લોન લીધી છે કે નહીં, તમે ફોર્મ 26A પરથી ચેક કરી શકો છો. આ આવકવેરા વિભાગ દ્વારા જાહેર કરાયેલ વાર્ષિક ટેક્સ સ્ટેટમેન્ટ છે. તેમાં તમારા આવકવેરા રિટર્ન રેકોર્ડ્સ અને તમારા પાન કાર્ડ દ્વારા થયેલા અન્ય નાણાકીય વ્યવહારોની વિગતો શામેલ છે. આ રીતે તમે જાણી શકો છો કે તમારા પાન કાર્ડ સામે કોઈ અન્ય વ્યક્તિએ લોન લીધી છે કે નહીં

LEAVE A RESPONSE

Your email address will not be published. Required fields are marked *