આ વીડિયો પોસ્ટ થતાની સાથે જ તે જોતા જ વાયરલ થઈ ગયો. ઘણા યુઝર્સે આ અંગે કટાક્ષ પણ કર્યા છે.

સોશિયલ મીડિયા પર કેટલાક વીડિયો એવા વાયરલ થઈ જાય છે કે જોઈને લાગે છે કે આ દુનિયામાં કંઈ પણ અશક્ય નથી. તાજેતરમાં, આવો જ એક વીડિયો સામે આવ્યો જ્યારે કીડીઓના એક નાના જૂથે મળીને સોનાની એટલી લાંબી ચેન ખેંચી કે લોકો જોતા જ રહી ગયા.

ખરેખર, આ વીડિયો ભારતીય વન સેવા અધિકારી સુશાંત નંદાએ ટ્વિટર પર શેર કર્યો છે. વીડિયો પોસ્ટ કરતા તેણે કેપ્શનમાં લખ્યું કે આ ચેઈન સ્મગલર્સ છે, આ ચોરો સામે કેવી રીતે કાર્યવાહી થવી જોઈએ. વીડિયોમાં કીડીઓની વસાહત એક ખડકાળ વિસ્તારમાં સોનાની સાંકળો ખેંચતી બતાવે છે.

આ સોનાની સાંકળની બંને બાજુ કાળી કીડીઓ છે અને તેને એક તરફ ખેંચીને ઝડપથી આગળ વધી રહી હોવાનું પણ દેખાઈ રહ્યું છે. વીડિયો જોઈને લાગે છે કે આ વીડિયો કોઈ પથરાળ વિસ્તારનો છે. જોકે, વીડિયોના અંતે કીડીઓનું ટોળું સાંકળને ક્યાં ખેંચી ગયું તે જાણી શકાયું નથી.

આ વીડિયો પોસ્ટ થતાની સાથે જ તે વાયરલ થઈ ગયો. ઘણા યુઝર્સે આ અંગે કટાક્ષ પણ કર્યા છે. એકે લખ્યું કે એવું લાગે છે કે, “આ કીડીઓ ચોર છે અને ખૂબ જ ચાલાકીથી હાથ સાફ કરતી જોવા મળે છે.” બીજાએ લખ્યું કે, “તેમની સામે કેસ નોંધવાની જરૂર છે.”